Տղամարդն ու կինը շատ բաներով են իրարից տարբերվում: Բաները, որոնք շատ կարևոր են կնոջ համար, շատ դեպքերում մեծ նշանակություն չունեն տղամարդկանց համար և հակառակը: Կանայք հաճախ բողոքում են, որ տղամարդկանց վարքը տարօրինակ է թվում: Ահա ներկայացնում ենք մի քանի բան, որոնք կանայք պետք է իմանան տղամարդկանց մասին:
Գործը շատ ավելին արժի, քան խոսքը
Տղամարդիկ չեն կարող մտքեր կարդալ և նրանք այդքան արտահայտիչ չեն, որքան կանանց մեծ մասը: Ասեք Ձեր տղամարդուն, թե ինչ եք ցանկանում և նա կփորձի դա Ձեզ տալ: Դադարեք հուսալ, որ նա ինքը կհասկանա և կարդարացնի Ձեր սպասումները: Ասեք նրան, թե ինչ եք սպասում և ինչ եք ցանկանում: Օրինակ, եթե ցանկանում եք, որպեսզի նա զարմացնի Ձեզ հատուկ ժամադրությամբ՝ ասեք նրան, որ սիրում եք, երբ նա զարմացնում է Ձեզ ժամադրությամբ:
Տղամարդիկ ցանկանում են, որ իրենց հարգեն
Տղամարդիկ սպասում են հարգանքի թե բոլորի աչքի առաջ և երբ առանձին եք: Նրանք հաջողության են հասնում, երբ գիտեն, որ դուք նրանց վստահում եք և հպարտանում: Նրանք ավելի շատ հարգանք են ցանկանում, քան սեր: Եթե դուք հարգում եք նրանց, նրանք էլ կհարգեն Ձեզ և ամեն կերպ կփորձեն պահպանել այդ հարգանքը: Վերջիվերջո հարգանքն այն է, ինչ կարելի է միայն վաստակել։
Նրանք անօգնական են
Տղամարդիկ զգայուն են, երբ գործը հասնում է նրանց կյանքի դերին՝ լինի դա աշխատանքում, թե տանը, ինչպես հայր և ինչպես ամուսին: Նրանք ներքուստ թաքուն խոցելի են, սակայն դա նրանք շատ հազվադեպ են ցուցադրում: Կինը պետք է ընդունի իր տղամարդու դերը, ինչը կդարձնի նրան ավելի ինքնավստահ և պաշտպանված:
Ձեզ հարկավոր չէ իդեալական տեսք ունենալ
Պարտադիր չէ միշտ դերասանուհու կամ մոդելի տեսք ունենալ, տղամարդիկ սիրում են, երբ բնական է և պարզ: Եթե նա Ձեզ սիրում է՝ նա Ձեզ կսիրի նաև ամենավատ տեսքով: Սակայն դա ամենևին չի նշանակում, որ դուք պետք է միշտ չխնամված և թափթփված տեսք ունենաք: Ձեզ ուղղակի պետք չէ փոխել Ձեր անհատականությունը: Եղեք այնպիսին, ինչպիսին, որ կաք, և նա ըստ արժանավույնս կգտնահատի Ձեզ և Ձեր ներքին գեղեցկությունը:
Տղամարդիկ նույնպես տարածության կարիք ունեն
Երբեմն կանայք դառնում են չափազանց հոգատար, ինչից տղամարդիկ իրենց խեղդված են զգում: Եթե Ձեր տղամարդը խնդրում է որոշակի տարածություն՝ մի ընդունեք դա որպես վիրավորանք
Քննարկման տարբեր թեմաներ
Հետազոտությունները ցույց են տալիս, որ կանայք և տղամարդիկ, սովորաբար, ունեն տարբեր հետաքրքրություններ: Երբ խոսքը վերաբերում է զրույցներին՝ կանայք հաճախ խոսում են սիրո, հարաբերությունների և այլ մարդկանց մասին, այն դեպքում, երբ տղամարդիկ այդ թեման համարում են ձանձրալի: Նրանք գնահատում են իդեաները և արդյունավետ թեմաները:
Սերը՝ ավելին է, քան ֆիզիկական շփում
Եթե դուք հաճախ եք սիրային շփման մեջ մտնում Ձեր զուգընկերոջ հետ՝ դա մեծացնում է նրա վստահությունը և «արտադրողականությունը» կյանքի յուրաքանչյուր ասպարեզում: Եթե դուք պահպանում եք ֆիզիկական և էմոցիոնալ հեռավորություն, նա ամենայն հավանականությամբ, իրեն մերժված և անպաշտպան կզգա: Մտերմությունը՝ հարաբերություններում չափազանց կարևոր ֆակտոր է:
