InterNews.info-ն շարունակում է Ձեզ է ներկայացնել 2օ հարց հայտնիներին շարքը
Այս անգամ մեր հյուրն է վարսահարդար, <<Barbershop>>-ի հիմնադիր, Կարո Աբաչյանը:
1.Ո՞րն է կյանքի Ձեր նշանաբանը:
Հաղթանակը մեր ընկերն է
2.Ո՞րն է Ձեր ամենասիրած գիրքը:
Փոքրիկ իշխանը
3.Ինչպե՞ս եք ընտրում ձեր ընկերներին:
Ընկերներին չեն ընտրում, ընկերները կյանքում միշտ լինում են կողքիդ՝ երբ պետք է
4.Տաղանդավոր ծնվում են թե՞ դառնում:
Տաղանդավոր դառնում են, քանի որ առանց աշխատասիրության չի կարող որևէ տաղանդ գործել
5.Դուք Ձեզ աստղ համարո՞ւմ եք:
Հայտնի է, որ մեր տեսած աստղերը հանգած մոլորակներն են, որոնց լույսը մենք տեսնում ենք հազարավոր տարիներ հետո՝ մարելիս. հետևաբար ես ինձ երբեք հանգած չեմ համարի…
6.Ի՞նչ սկզբունքներ ունեք կյանքում:
Կողքից եկող խորհուրդները, ամեն բան բարդացնելու, վախեցնելու և շեղելու հատկություն ունեն, հետևաբար երբեք չեմ նայում կողք, այլ ձգտում եմ նայել միշտ առաջ:
7.Ինչպե՞ս ընկերներդ կբնութագրեին քեզ։
Կարծում եմ վատ ընկեր չեմ, ու ինքս իմ ընկերների մասին միշտ լավն եմ ասում, քանի որ վատն էլ չկա նրանցում: Հետևաբար դժվար թե որևէ մի ընկերոջս մեջ վատ տպավորություն թողած լինեմ, այլապես ընկերներ չենք կարողանա մնալ:
8.Ո՞րն է ձեր մանկության լավագույն հուշը։
Փողոցի խաղերը, որոնց քաղցրությունը ցավոք եկող սերունդը չի տեսնում:
9.Եթե հնարավորություն ունենայիք Ձեր կյանքը վերսկսելու, ի՞նչը կփոխեիք:
Կփորձեի ավելի ուշադիր լինել կյանքի տված դասերից արագ օգուտ քաղելու հարցում:
10.Ի՞նչ կցանկանայիք, որ գրված լիներ տապանաքարիդ վրա։
. Karo Abachyan Barbershop underground
11.Ինչո՞ւ ընտրեցիք այդ մասնագիտությունը:
Ընտրեցի բարբերի մասնագիտությունը, որ արհեստը վերածեմ արվեստի:
12.Ինչպե՞ս եք անցկացնում Ձեր ազատ ժամանակը։
Որդուս հետ, քանի որ հոր և որդու շփումը պետք է միշտ լինի ակտիվ, ընկերական:
13.Ի՞նչ է սերը Ձեզ համար։
Սերը եզակի զգացմունք է, որի մեջ շատ են պարտավորությունները: Նրանում պետք է լինի հարգանք, վստահություն:
14.Որո՞նք են ձեր բնավորության դրական ու բացասական գծերը:
Դրականն այն է, որ շուտ եմ հավատում մարդկանց, բացասականն էլ այն է, որ հավատալուց ընկնում եմ կասկածանքի մեջ:
15.Նախագահ դառնալու դեպքում առաջին հերթին ի՞նչ կանեիք։
Նախագահը տերն ու պատասխանատուն է, իսկ ես արդեն տերն եմ իմ երկրի, նախագահ եմ իմ գործում, իմ մտքերում ու իմ երկրում՝ իմ բաժին սրտացավության մեջ, որպես քաղաքացի: Ու արդեն սիրում եմ իմ երկիրը, որպես նրա սրտացավ քաղաքացի, որպես նրա տեր:
16.Ձեզ քանի՞ տարեկան ես զգում հիմա:
Երբ ինձ զգամ ավելի մեծ, քան կամ, ապա կդադարեմ լինել փոքր: Մեծ լինել պետք է սովորելու համար, իսկ փոքր լինելն էլ պարտադիր է՝ խոնարհվելու և լսելու համար մեծերից:
17.Ինչպիսի՞նն է կատարյալ օրը Ձեզ համար։
Երբ հասցնում եմ աշխատանքս, բայց հանգիստս անցկացնում եմ ընտանիքիս հետ միասին: Հոր համար չկա ավելի մեծ երջանկություն, քան երեխաների հետ տանը անցկացնելն է:
18.Ո՞րն է Ձեր ամենամեծ նվաճումը:
Իմ ամենամեծ նվաճումը իմ բարի անունն է, որը լսելիս մեկը բրենդ է համարում, մյուսը ընկեր, մեկը որդի, մյուսը հայր, բայց ամենքը իր հերթին իմ անվան մեջ բարիության որևէ ճյուղ են տեսնում: Սա իրական ձեռքբերում է:
19.Ի՞նչ նորություններ են սպասվում:
Հուլիսի 23-24 ին տեղի է ունենալու մեր մաստեր կլասը
20.Ի՞նչ կցանկանայիք ավելացնել:
Այսքանը :)))
