Պետական Համազգային և Ուսանողական թատրոնի բեմում (Ամիրյան 26) կկայանա Ուիլյամ Գիբսոնի Սպիտակ վարդեր վարդագույն փղեր մելոդրաման։
Այս ցնցող մելոդրաման երկու համառ անձնավորությունների մասին է, որոնք միմյանց գտնում և կրթում են մարդկությանը միջուկային զենքի ոչնչացման ֆոնին: Պատմությունը զարգանում է դատավոր՝ Հենրի Պուլեսկիի և միջուկային զենքի հետազոտման լաբորատորիայում աղավնիներին ազատ արձակելուց հետո ձերբակալված տարեց միանձնուհի՝ Մոլլի Իգանի միջև: Մոլլին դատարանի դահլիճում փորձում է արթնացնել մարդկանց աղտոտված խիղճը և համոզում փոխել քաղաքակիրթ աշխարհի ճակատագիրը, իսկ դատավոր Հենրին նրա բողոքը համարում է անարդյունավետ: Մոլիի հուսահատ պայքարը հանուն խաղաղության, Հենրի Պուլեսկիին ստիպում է նոր հայացքով դիտել աշխարհը, հավատալ նրա խոսքերի ճշմարտացիությանը. Երկուսն էլ հարուստ ներաշխարհի կերպարներ են, և երբ ասում են. «Ես ուզում եմ մաքրել աշխարհը», ակամայից ցանկություն է առաջանում մասնակցել այդ խաչակրաց արշավանքին, իսկ երբ հայտարարում են. «Այս աշխարհը ցավի մեջ է», հասկանում ենք, որ բոլորս հայտնվել ենք համընդանուր ցավի մեջ:
Թեման կարծես անիմանալի մղումով առավել, քան երբևե արդիական է՝ մարդկությանը միջուկային զենքի ոչնչացման ֆոնին տարեց միանձնուհի Մոլլին փորձում է արթնացնել մարդկանց աղտոտված խիղճը…. Նրա համառ պայքարի շնորհիվ ի վերջո դատավոր Հենրին նոր հայացքով է սկսում դիտել աշխարհը….. Ներկայացումը պատրաստ է, սակայն ՕՐԸ լրացուցիչ կհայտնվի՝ կախված մեր երկրում տիրող իրավիճակից…. Արժանի գտնվենք մեր ԱՆԿԱԽՈՒԹՅԱՆԸ , որի համար բոլորս էլ հալածվել ենք և դեռ….
Բեմադրող ռեժիսոր՝ Աննա Բայաթյան Նկարիչ՝ Նաիրի Գրիգորյան Հագուստը՝ Մարիամ Ղարիբյան Անիմացիան՝ Անգելինա Մալիգինա Երաժշտական ձևավորումը՝ Կարինե Ջանջուղազյան։
Օրը պարզ կդառնա շուտով։
