InterNews.info-ի հարցին թե ինչպե՞ս Ձևավորվեց «Քաղաքացիական խորհուրդ»-շարժումը, խորհրդի քարտուղար Աշոտ Օհանյանը պատասխանեց․
-Արձագանքելով նոյեմբերի 10-ին գեներալ-մայոր Արկադի Տեր-Թադեվոսյանի համախմբման կոչին, Հայաստանի ներկայիս դրությամբ մտահող մի խումբ հայորդիներով ստեղծեցինք Քաղաքացիական խորհուրդ նախաձեռնությունը:
Մեր նպատակն է ստեղծել մի համակարգ, որը իր կենսագործունեության ընթացքում կբացառի ենթարկվել որևէ ազդեցության, և առաջին հերթին հայոց պետականության ղեկավարների կողմից( հենց այդպիսի համակարգի բացակայության պատճառով նորանկախ Հայաստանը հայտնվեց այս ճահճում), և որի շնորհիվ երկիրը դուրս կգա այս փոսից և կապահովի դինամիկ զարգացում։
Մենք զինվորագրվել ենք Մենքին, տանը թողնելով ես-ը, և ապավինում ենք կոլեկտիվ մտքի զորությանը։ Ձևավորել ենք 12 ոլորտային հանձնախումբ, որոնք արդեն ավարտում են իրենց ծրագրերի ձևավորման պրոցեսը, և շուտով կունենանք քաղխորհրդի ամբողջական ծրագիրը, որով էլ կներկայանանք մեր հանրությանը ապրիլի կեսերին։ Մեր համոզումն է, որ համախմբված հայությամբ կկառուցվի այդքան անհրաժեշտ հզոր Հայաստանը:
