«Ալիեւը դարձել է ժողովրդի մեջ իր իսկ բորբոքած ազգայնական շիզոֆրենիայի պատանդը». Հովսեփ Խուրշուդյան

4

Ալիեւը դարձել է տարիների ընթացքում ադրբեջանցի ժողովրդի մեջ իր իսկ բորբոքած ազգայնական շիզոֆրենիայի պատանդը։

Այսօր արդեն Բաքվում տարատեսակ օչխարիկներ հանրահավաքներ են անում Հայաստանի դեմ պատերազմ սկսելու պահանջով (հղումը՝ մեկնաբանության մեջ)։
Իրենց լակոտներին կաշառքով բանակից փախցրած օչխարիկները պատերազմ են տենչում, Կառլ։
Բայց գլխավոր օչխարի բնազդը իրեն հուշում է, որ իր գործը բուրդ է։ Քանի որ Հայաստանում այլեւս ռուսների քավորությամբ իր հետ պայմանավորվող իշխանություն չկա։ Իսկ պետության դեմ ներսից եւ դրսից գործում է ընդամենը մի քանի նախկին ստահակ ու դրանց ծախված ԶԼՄ, որոնց՝ Հայաստանին տված վնասի աննշան լինելու մասին Ալիեւը չի կարող չիմանալ։
Հայաստանի ժողովուրդը այսօր ավելի է պատրաստ պատերազմի, քան անգամ 1991-ին։ Քանի որ ոչ միայն միասնական է իր ընտրած իշխանության հետ, այլեւ լավ զինված։
Թող մի՛ հատ գլխավոր օչխարը առիթ տա։ Թող մի՛ հատ սխալվի ու արկածախնդրության դիմի. վերջապես մեկընդմիշտ կփակենք զահլա տարած այդ անհաջող ու ձախողված պետական կազմավորման հարցը, ազատելով դրանում բնակվող ժողովուրդներին, ու, հատկապես, ազերի ժողովրդին ստից, կեղեքումից ու ազգայնական շիզոֆրենիայից։
Այո, մեր ազգային գերակա եւ առաջնային խնդիրը այլեւս պետք է ոչ թե Արցախի ինքնորոշումը եւ ոչ էլ Հայ Դատը լինի, այլ մեր հարեւան ահաբեկչական, մարդատյաց, համայն հայ ժողովրդին թշնամի հռչակած եւ պաշտոնապես Հայաստանի վերացումը որպես նպատակ հռչակող պետական կազմավորման կազմաքանդումը։ Եւ ոչ մի Մինսկի խումբ այլեւս չի կարողանա թույլ չտալ մեզ դա անել, քանի որ չկա այդպիսի միջազգային սկզբունք, որն արգելի որեւէ ժողովրդի ապահովել իր անվտանգությունը կատաղած ոչխարի հոգեւիճակին ինքն իրեն հասցրած ռեժիմից։
Իսկ իշխանությունները, ՊՆ-ն պետք արդեն այսօր սկսեն զանգվածային 1-2 շաբաթական ռազմական վերապատրաստման հավաքներ իրականացնել պահեստազորի համար։ Մեզ առաջիկա ժամանակներում կարող է երեք շաբաթով 200.000-ոց բանակ պետք լինել։ Եթե կարողանանք 300.000-ը ի զեն կանչել՝ 10 օրն էլ հերիք կլինի։ 1941-ին 1,5 միլիոնանոց Հայաստանը 500.000 տվեց սովետական ռազմաճակատին, հիմա 3 միլիոնով 300.000 հաստատ կհավաքենք: Ընդամենը 10 օր. այնպես որ տնտեսությունը շատ չի տուժի։ Այդ 300.000-ից 100.000-ը պետք կլինի կանգնեցնել հայ-թուրքական սահմանին, որ էն կողմից գայլը քիթը չխոթի իր ոչխարին փրկելու, ինչպես որ արեց 1918-ին ու հետո էլ 1920-ին։ 100.000-ը լրիվ բավական է արեւմտյան սահմանի համար։
Լավ կլինի, որ այս մասին խոսեն բոլորը՝ կուսակցությունները, մամուլը, փորձագետները, դասախոսները, պետական պաշտոնյաները։ Խոսեն հայրերը եւ մայրերը Հայաստանում եւ Սփյուռքում։
Սա պետք է դառնա յուրաքանչյուր ազատ քաղաքացու խնդիրը, եւ այդ խնդրի մեկընդմիշտ լուծման որոշումն էլ երբ պահը գա պետք է կայացնենք միասնաբար՝ Հանրապետության հրապարակում։

ՀՀ պաշտպանության նախարարություն / MoD of the Republic of Armenia