Անկախ մեր ուղեղի հնարավորություններից, նրան երբեմն ժամանակ է անհրաժեշտ՝ վերականգնվելու համար, երբեմն՝ նաև լրացուցիչ խթաններ, եթե չենք ուզում, որ այն խափանվի: Չի կարելի անտեսել այդ անհրաժեշտությունը: Ահա թե ինչ կարող եք սկսել անել հենց այդ պահից՝ ուղեղի աշխատանքը խթանելու համար:
1. Նուշ կերեք
Համարվում է, որ նուշը բարելավում է հիշողությունը: Նուշի յուղ ավելացրեք կաթին, օգտագործեք այն քնելուց առաջ և շատ շուտով կզգաք, որ Ձեր հիշողությունը լավացել է:
2. Խնձորի հյութ խմեք
Ինչպես ցույց են տվել հետազոտությունները, խնձորի հյութը բարձրացնում է ացետիլխոլինի արտադրությունը, ինչի արդյունքում բարելավվում է Ձեր հիշողությունը:
3. Լավ քնեք
Հետազոտությունները ցույց են տվել, որ քնի ժամանակ նորից խաղարկվում են անցած օրվա իրադարձությունները: Դա բարելավում է երկարաժամկետ հիշողությունը:
4. Հաճույք ստացեք պարզ բաներից
1. Երաժշտություն լսեք,
2. խաղացեք երեխաների հետ,
3. ուրախացեք ինչ-որ մեկի հետ հանդիպելուց,
4. զբոսնեք, հեծանիվ վարեք, վազեք,
5. յոգայով զբաղվեք:
Նման գործողությունները կօգնեն Ձեզ ազատվել սթրեսից:
5. Մեկ օր դիետա պահեք
Բուժական ծոմը մաքրում է մեր օրգանիզմը տոքսիններից: Ազատվելով տոքսիններից, ազատվում ենք բացասական էմոցիաներից, որն էլ ուժեղացնում է մտքի պայծառությունը:
6. Մարզեք Ձեր միտքը
1. Խաչբառ լուծեք,
2. շփվեք այլ մարդկանց հետ,
3. կարդացեք, շախմատ խաղացեք,
4. նոր լեզու սովորեք,
7. Զբաղվեք յոգայով կամ մեդիտացիա արեք:
Յոգան ազատում է սթրեսից: Բոլորիս հայտնի է, որ սթրեսը վատթարացնում է հիշողությունը: Ինչքան քիչ է սթրեսը, այնքան ավելի լավ է աշխատում ուղեղը:
8. Քչացրեք շաքարի օգտագործումը
Շաքարի ավելորդ օգտագործումը կարող է առաջացնել կլաուստրոֆոբիա, հիշողության կորուստ և նյարդային խանգարումներ:
9. Գիշերը կուշտ մի կերեք
Ծանր կերակուրը սթրես է առաջացնում, իսկ թեթև կերակուրը, հատկապես մրգերը, հնարավորություն կտան լավ քնել: Իսկ լավ քունը բարերար ազդեցություն է ունենում ուղեղի աշխատանքի վրա:
10. Ընդունեք B խմբի վիտամիններ
B խմբի վիտամինները լավացնում են հիշողությունը: Սննդակարգի մեջ ավելացրեք B վիտամիններ պարունակող բանջարեղեն և խուսափեք օսլա և սպիտակ հաց օգտագործելուց:
