Հայաստանում Ֆրանսիայի դեսպանությունը կրկին կազմակերպել էր արդեն ավանդույթ դարձած միջոցառում՝ նշելու Ֆրանսիայի ազգային տոնը՝ Բաստիլի գրավման օրը: Սահմանափակումներից և պատերազմյան իրավիճակից ելնելով, 2 տարի դեսպանությունը չէր նշում այս տոնը նման մասշտաբով: ՀՀ Ֆրանսիայի դեսպան Անն Լույոն առաջին անգամ այս տոնի առթիվ ողջունեց հյուրերին (Անն Լույոն նշանակվել էր ՀՀ-ում Ֆրանսիայի դեսպան մոտ մեկ տարի առաջ) և հույս հայտնեց, որ երկու տարի ընդմիջումից հետո, այսուհետ Բաստիլի տոնի առթիվ կազմակերպվող միջոցառումը կրկին ամենամյա կդառնա:
Հուլիսի 14 ասելիս մտածում ենք 1789 թվականի հուլիսի 14-ին տեղի ունեցած Բաստիլի գրավման մասին, «Բաստիլի օր» ինչպես այն կոչվում է որոշ երկրներում: Ֆրանսիացիների համար հուլիսի 14-ը համախմբելու և միասին տոնելու հնարավորություն է։ Հայաստանում մինչ վերջին երկու տարիները, Ֆրանսիայի դեսպանությունը նշում էր այս տոնը հրաշալի միջոցառման ընթացքում, որտեղ հրավիրված էին լինում պետական գործիչներ, դիվանագետներ, արվեստագետներ, գործարարներ և մշակույթի ներկայացուցիչներ:
