Նարեկացի արվեստի միությունում կայացավ Եգիպտացի լրագրող և ռեժիսոր Իսսամ Նաժիի «Մոռացված հայրենիք» վավերագրական ֆիլմի ցուցադրությունը։ Մուտքն ազատ էր։ ֆիլմը ցուցադրվել է «Ոսկե ծիրան» 19-րդ միջազգային կինոփառատոնի շրջանակներում։
Իսսամ Նաժիի փաստավավերագրական ֆիլմն աշխարհին պատմում է Արցախյան 44-օրյա պատերազմի, Հայաստանի և Ադրբեջանի սահմանային կյանքի, Արցախի փախստականների մասին, ովքեր այժմ բնակվում են Սյունիքում։ Ֆիլմում պատկերված է հայ մայրերի, դուստրերի, քույրերի կյանքը, որը ցույց է տալիս նրանց հավատը, տոկունությունը, հույսերն ու երազանքները՝ միահյուսված հայոց պատմությանը։
Նարեկացի արվեստի միությունը ցուցադրությունից բացի անակնկալ էր պատրաստել Իսսամին՝ նաև հայկական սկավառկներ։ Այն հանձնեց հենց ինքը՝ Նարեկացի արվեստի միության հիմնադիր նախագահ Նարեկ Հարությունյանը նշելով․
-Հարգելի Իսսամ, Ձեր արածը մեծ աշխատանք է մեր ազգի համար։ Մենք գնահատում ենք քո ջանքերն և շնորհակալություն ենք հայտնում, որ մեր խնդիրն ու ցավը հուզել է քեզ։
Արվեստի կենտրոնի այս քայլը շատ ոգեշնչեց եգիպտացի ռեժիսորին, նա մեծ ոգևորությամբ նշեց, որ կրկին կգա Հայաստան․
-Ձեր արածը ևս մեծ աշխատանք է, դուք ինձ առավել ոգեշնչեցիք, շոյված ու զգացված եմ ուշադրության և հարգանքի համար։ Հայ ազգի ցավը ինձ համար շատ կարևոր խնդիր էր։ Դուք՝ ձեզանից յուրաքանչյուն եք պատասխանատու Ձեր հայրենիքի համար։ Ես դեռ ետ կգամ․
Իր խոսքը եզափակեց ռեժիսորը։
