Ֆեյսբուքյան ոմնն անդրադարձել է «Նեմեց Ռուբոյի որդու հարցազրույցին» ու «լուրջ եմ ասում» փաստարկով հավատացնում է
-Էդ տղեն գրեթե ամբողջ Ազգային ժողովից գրագետ է խոսում։
Ֆեյսբուքյան մեկ այլ ոմն ֆեյսբուքյան այս ոմնին կատարելապես իրազեկվածի համոզվածությամբ արձագանքում է
-Ռաֆոն իսկապես խելացի ու լուրջ տղա է։
Դժվար չէ գլխի ընկնել, որ այս ոմնի հիշատակած Ռաֆոն այն ոմնի հիշատակած Նեմեց Ռուբոյի որդին է։
Ֆեյսբուքյան այս ոմներին սկզբունքորեն առարկելու ոչինչ չունեմ ու չեմ էլ ուզում նրանց շոշափած սուբյեկտի գրագիտության համեմատականն անել Ազգային ժողովի հետ։ Սակայն մեջս չեմ կարող սսկացրած պահել ակամա ծնված հարցը՝ եթե ասում են, թե «Ռաֆոն իսկապես խելացի ու լուրջ տղա է», այս գնահատականով նրան հորը՝ Նեմեց Ռուբոյին ե՞ն հակադրում։
Հիմա ինչ՝ ակնարկում ե՞ն, թե՞ հաստատում։
Հեղինակ՝ Մարտին Հուրիխանյան
