Սերժ Սարգսյանին Հայաստանի Հանրապետության վարչապետի պաշտոնում ընտրվելու կապակցությամբ շնորհավորական ուղերձներ են հղել Ղրղզստանի Հանրապետության նախագահ Սոորոնբայ Ժեենբեկովը և վարչապետ Սապար Իսակովը: Ինչպես հաղորդում է «Արմենպրես»-ը՝ վկայակոչելով ՀՀ վարչապետի պաշտոնական կայքը, Ղրղզստանի նախագահի ուղերձում մասնավորապես ասված է.
«Հարգելի՛ Սերժ Ազատի,
Ընդունեք իմ սրտանց շնորհավորանքները Հայաստանի Հանրապետության վարչապետի պաշտոնում ընտրվելու կապակցությամբ:
Վստահություն եմ հայտնում, որ բարեկամության, փոխըմբռնման և համագործակցության ավանդական հարաբերությունները Հայաստանի և Ղրղզստանի միջև հետագայում ևս կզարգանան՝ ի շահ մեր ժողովուրդների:
Հարգելի՛ Սերժ Ազատի, օգտվելով առիթից, մաղթում եմ Ձեզ քաջառողջություն, բարօրություն և հետագա հաջողություններ Ձեր պետական գործունեության մեջ, իսկ Հայաստանի ժողովրդին՝ խաղաղություն և բարգավաճում»:
Վարչապետ Սարգսյանին շնորհավորական ուղերձ է հղել նաև Վիետնամի Սոցիալիստական Հանրապետության վարչապետ Նգույեն Ֆու Չոնգը:
Ուղերձում ասված է.
«Ձերդ Գերազանցություն,
Վիետնամի ժողովրդի և անձամբ իմ անունից շնորհավորում եմ Ձեզ Հայաստանի Հանրապետության վարչապետի պաշտոնում ընտրվելու կապակցությամբ:
Ուրախալի է ականատեսը լինել այն մեծ ձեռքբերումների, որոնք Հայաստանի ժողովուրդը արձանագրել է անցած 10 տարիների ընթացքում Ձեր ղեկավարությամբ՝ որպես նախագահ: Հավատացած եմ, որ նոր պարտականություններով և Ձեր փորձառությամբ ու իմաստնությամբ կշարունակեք առաջնորդել Հայաստանը դեպի նորանոր հաջողություններ՝ էլ ավելի ընդլայնելով երկրի դերակատարումը միջազգային ասպարեզում:
Շարունակությունն այստեղ
