Լրագրող, հաղորդավար, ռեժիսոր Էմմա Կարապետյանն իր ֆեյսբուքյան էջում գրել է.
-Ինչպես և խոստացել էի…
Ձեզ պատահե՞լ է, որ դիմում ներկայացնեք ՀՀ կրթության, գիտության, մշակույթի և սպորտի նախարարություն, պատասխանեն այլ անունից, սակայն զանգահարի մեկ այլ մարդ, տվյալ պարագայում՝ Լուսինե Սարգսյանը:
Ով է Լուսինե՞ն:
Վաաաա՜յ, չգիտե՞ք:
Լուսինեն նախարարությունում կես հատիքով կինոյի ոլորտի փորձագետ աշխատողն է, իսկ ավելի ստույգ՝ նախարարությունում կինոյի հարցեր լուծողը:
Եթե ինքը ձեզ զանգել է, ուրեմն իմացեք` հաստատ մերժված եք:
Ինքը մերժվածների հարցերով է զբաղվում: Վստահ եմ՝ շատերը կփաստեն՝ միայն իմ դեպքի մասին չեմ խոսում:
Զանգում, ասում է, որ «վաաա՜յ, գիտեք…»
Կարճ ասած՝ մեղմել է փորձում իրավիճակը:
Հա՛, ասեմ, հիշում եք, որ զանգել էի Գոհարին, (նյութը՝ https://internews.info/%d5%a2%d5%a1-%d5%b9%d5%ab%d5%b4%d5%a1%d6%81%d5%a1%d5%9e%d6%84-%d5%ab%d5%b6%d5%b9-%d5%a7-%d5%af%d5%a1%d5%bf%d5%a1%d6%80%d5%be%d5%b8%d6%82%d5%b4-%d5%af%d5%a3%d5%b4%d5%bd-%d5%b6%d5%a1%d5%ad%d5%a1%d6%80/), Գոհարից հետո պատասխանեցին, որ ուղարկեք հաստատված ձևաչափով լրացուցիչ փաստաթղթեր, բայց ոչ մի ձևաչափ չեն նշում:
Հետևություն. այսպես ասած՝ մահանա են ման գալիս, որ մերժեն: Քանի որ քիչ օր էր մնացել Նյու Յորքում կայանալիք «Սոցիալապես անհամապատասխան» փառատոնին, (նյութը՝ https://internews.info/%d5%af%d5%b8%d5%b6%d5%a4/), երևի մտածել են՝ սխալ-մխալ կգրի, կասենք՝ փոփոխի ու հաստատ չի հասցնի: Հակառակի պես, ես էլ սիրուն, ընկերներիցս ճիշտ ձևաչափը իմացա, պատրաստեցի բոլոր թղթերը և կրկին ուղարկեցի:
Զանգում են։
Փառատոնին մասնակցությունս ֆինանսավորելու հայտս մերժել են:
Ով է զանգո՞ւմ։
Վաաա՜յ, բա դա հարց է՞։ Իհարկե Լուսինեն է, նույն ինքը՝ նախարարությունում կինոյի հարցեր լուծող Լուսինե Սարգսյանը:
Ինքը -Բարև Ձեզ:
Ես -Բարև Ձեզ:
Ինքը (Շատ լավ տոնով) -Ոնց եք, ոնց չեք: Շուտով նամակ կստանաք, որ Ձեր հայտը մերժվել է:
Ես -Իսկ ինչո՞ւ է մերժվել:
Ինքը -Դե, ընթացակարգային գործընթաց է, հիմա չենք կարող ֆինանսավորել (էնպիսի հաստատակամ տոնով է ասում, կարծես իր գրպանից էր ֆինանսավորումը անելու):
Ես -Իսկ ընթացակարգային գործընթացը չխանգարե՞ց, որ վերջերս ֆինանսավորեք Արամ Շահբազյանին գնալ Ֆրանսիա ոչ թե փառատոնի, այլ ինչ-որ միջոցառման մասնակցելու:
(Ի դեպ, ես արդեն մեյլով ստացել էի մերժումը, և արել էի նույն հարցադրումը: Արամ Շահբազյանի այս ֆինանսավորումը մեծ աղմուկ էր բարձրացրել համացանցում, լրատվության այլ միջոցներում):
Ես -Ամեն տեղ հայտարարում եք, իբր օգնում եք երիտասարդ ռեժիսորներին, նոր սերնդին, որպեսզի կայանան տաղանդները, միջազգային հարթակներ դուրս գան, համաշխարհային ճանաչում ձեռք բերեն, ստեղծագործեն ի նպաստ մեր երկրի և մշակույթի:
Հետևում է լղոզված պատասախան, անկապ բառերի, մտքերի խուսափողական տեքստ: Չնայած՝ ասեմ, որ գիտեմ, ինչու են ֆինանսավորել Արամ Շահբազյանին։ Պարզապես չեմ ուզում խորանալ մանրունքների մեջ, թեպետ, եթե հարկ լինի, իմացածս կներկայացնեմ մինչև ամենավերջին մանրամասնը։
Ինքը -Գիտեք, Էմմա ջան, ես ձեզ լսեցի, հիմա էլ թույլ տվեք ես խոսեմ։
Ես -Լսում եմ։
Ինքը -Կարող եք հետո դիմել:
Ես -Հետո՞, ո՞նց հետո, փառատոնը հիմա է և ոչ թե հետո։
Տեսա՞ք՝ հարցեր լուծող Լուսինեն ինչ առաջարկ արե՛ց…
Կախման կետերով առկախվածը չմանրամասնեմ, հարկ եղած դեպքում կտեղադրեմ ձայնագրությունը ու կտեսնենք, թե նախարարությունն ինչ Լուսինե ունի։
Այ, սենց բաներ: Բայց սա դեռ ամենը չէ։ Ցանկությունս մեծ է Ձեզ հետ նաև գլխավոր մեղավորների մասին կիսվելու առումով՝ ի վերջո լուսինեները հրահանգներ կատարող սլաքավարներ են։ Այնպես որ՝ Արա Խզմալյանի, Արայիկ Հարությունյանի մասին, ինչպես ասում են, հաջորդիվ:
P.S. Հա, բայց, մի րոպե, ոնց որլավ բան է ասում, Է-է՜, դե մարդը մի բան գիտեր էլի, որ ասում էր:
Լուսինե Սարգսյան, ասեմ, որ կորոնավիրուսի պատճառով փառատոնը հետաձգվել է։ Այնպես որ՝ ես կրկին եմ դիմելու Ձեզ:
Նյութի աղբյուր՝ https://www.facebook.com/emmaemma91
