|
ՍԴ աշխատակազմի նախկին ղեկավար Էդգար Ղազարյանը գրում է. «Նիկոլ Փաշինյանին ենթարկվող բոլոր ոստիկաններին սպասվում է նույն ապագան «Լեո-Պարոնյան խաչմերուկում կնոջը վրաերթի ենթարկելու համար ՃՈ սպայական վաշտի հրամանատարը ձերբակալվել է»: Այս վերնագիրը պետք է կարդան բոլոր ոստիկանները։ Նրանց բոլորին նույն հեռանկարն է սպասվում։ Ակնհայտ է, որ ՃՈ սպայական վաշտի հրամանատարը հայտնվել է այդ վիճակում` Նիկոլ Փաշինյանին ապօրինի ծառայություններ մատուցելու համար։ Եթե նա ստացած չլիներ մեքենան թույլատրելիից արագ վարելու հրահանգ, ապա նման դեպք չէր լինի։ Հիմա նա կենթարկվի պատասխանատվության, իսկ մահվան իրական մեղավորը կմնա ազատության մեջ։ Այս հեռանկարն սպառնում է բոլոր ոստիկաններին, ովքեր կատարում են կամ պատրաստ են կատարել Նիկոլ Փաշինյանի ապօրինի քմահաճություններն ու հանձնարարությունները։ Նրանք դեռ քիչ ժամանակ ունեն հասկանալու համար, թե որքանով է իրենց համար շահեկան սեփական դժբախտությունների և ճակատագրի հաշվին ծառայել հայ ժողովրդի ամենամեծ թշնամուն»։ |
