Նիգերիայի գյուղերից մեկում «Բոկո հարամ» խմբավորման զինյալները հուղարկավորության ժամանակ կրակ են բացել ներկաների վրա՝ սպանելով 65 հոգու: BBC-ի հաղորդմամբ՝ նրանց մի մասը մահացել է տեղում, մյուսներն էլ մահացել են՝ փորձելով հետապնդել հարձակվողներին:
Տեղի իշխանությունների համոզմամբ՝ զինյալներն այս հարձակման միջոցով վրեժ են լուծել օրեր առաջ գյուղացիների կողմից խմբավորման 11 անդամի սպանության համար:
Նիգերիայի նախագահն օդուժին և բանակին հրահանգել է գտնել հարձակման պատասխանատուներին:
«Բոկո հարամ» թարգմանաբար նշանակում է «Արևմտյան կրթությունը պիղծ է»: Խմբավորման նպատակն է հեղաշրջում անել և իսլամական պետություն ստեղծել: Այն գործում է ոչ միայն Նիգերիայում, այլև Չադում, Նիգերում և Կամերունում:
Հակամարտության վերջին տասնամյակի ընթացքում տասնյակ հազարավոր խաղաղ բնակիչներ են սպանվել, ավելի քան 2 մլն մարդ տեղահանվել է:
