Մենք վերաբերվում ենք այս մոտեցմանը որպես ժամանակավոր լուծման այնքան ժամանակ, քանի դեռ եկամտային հարկի դրույքաչափերը չենք վերանայել, ԱԺ-ում «Կուտակային կենսաթոշակների մասին» ՀՀ օրենքում լրացումներ կատարելու մասին օրենքի նախագծի ներկայացման ժամանակ ասաց ՀՀ ֆինանսների նախարար Ատոմ Ջանջուղազյանը։
«Տրամաբանությունն այս դեպքում նույնպես այն է, որ մենք ունենք տնօրինվող եկամուտների վրա քիչ բացասական ազդեցություն կամ բացասական ազդեցություն չունեցող փոփոխություններ։ Դրանով փորձում ենք հնարավորություն ընձեռել, որպեսզի այսօրվա աշխատողները ոչ միայն կուտակեն ապագայի, արժանապատիվ կենսաթոշակ ստանալու համար, այլ նաև դա այսօրվա իրենց կենսամակարդակի վրա ազդեցություն չունենա», – ասաց նա:
