Հարցազրույց պատգամավոր Աննա Կոստանյանի հետ // Նարեկ Դեմիճյան

1. Ո՞րն է Ձեր վերջին կարդացած գիրքը։

Նախավերջին գիրքը, որ կարդացել եմ եղել է The Los Angeles Times թերթի հետաքննող լրագրող Ուիլյամ Ռեմփելի՝ ամերիկահայ գործարար Քըրք Քրքորյանի մասին պատմող կենսագրական «Խաղացողը» (The Gambler) աշխատությունը, և վերջինը՝ Մարգարեթ Թետչերի «Կառավարման արվեստը․ ռազմավարություններ փոփոխվող աշխարհի համար» գիրքը:

2. Ինչպե՞ս եք ընտրում ձեր ընկերներին։

 Ըստ ինտելեկտի, հոգեկերտվածքի, վարքագծի՝ ինքնաբերաբար է ստացվում ընկերանալը, սակայն միայն ժամանակն է ցույց տալիս, թե արդյոք իրական ընկերն ով է։

3.Տաղանդավոր ծնվում են թե՞ դառնում։

Ոչ միայն տաղանդը, այլև շնորհը տրվում են ի վերուստ, և միայն աշխատասիրության շնորհիվ է հնարավոր տաղանդն ու շնորհը վերածել մեծ արդյունքի։

4. Դուք ձեզ աստղ համարու՞մ եք։

Անհեթեթություն է սեփական անձն այնքան գերագնահատել, վեր դասել, որ ինքդ քեզ աստղ համարես։ Բոլորը հավասար են։ Աստղերն էլ միմիայն երկնքում են, իսկ մենք՝ երկրի վրա։ Մարդն ընդամենը կարող է դառնալ ականավոր։

5. Ի՞նչ սկզբունքներ ունեք կյանքում։

 Չկորցնել սեփական ես-ը, դեմքը, արժանապատվությունը, չդավաճանել մարդկային նվիրումը, հանուն նյութի երբեք որոշումներ չկայացնել։

6. Ինչպե՞ս ձեր ընկերները կբնութագրերին ձեզ։

 Հարցրե՛ք ընկերներիս, ես նրանց փոխարեն չեմ կարող պատասխանել։ ))

7. Եթե հնարավորություն ունենայինք ձեր կյանքը վերսկսել, ի՞նչ կփոխեյիք ։

 Ի սկզբանե կստանայի քաղաքագիտական կրթություն, կպակասեցնեի զգացմունքայնությունս և ընկերների ընտրության հարցում կլինեի ավելի զգոն։

8. Ինչո՞ւ ընտրեցիք հենց այս մասնագիտությունը։

 Լինելով լեզվաբան՝ չեմ սահմանափակում ինձ այլ գիտելիքներ ձեռքբերելու հնարավորությունից։ Իսկ ընտրեցի լեզուներ ուսումնասիրելու մասնագիտությունը, քանի որ լեզվաընկալողունակությունս բավականին խորն էր և սիրում էի օտար լեզուներ սովորելը։

9. Ի՞նչ է սերը ձեզ համար։

Այն միակ բացարձակ արժեքն է, որը երբեք չես փոխարինի ոչնչով։

10. Ո՞րն է ձեր բնավորության դրական և բացասական կողմերը։

 Բնավորությամբ ձգտող եմ, դժվարություններ հաղթահարող, խոչնդոտների առջև չկանգնող, սակայն չափազանց հուզառատ եմ, զգացմունքային և խորն եմ ընդունում ցանկացած դրական կամ բացասական իրողություն։

11. Նախագահ կամ Վարչապետ դառնալու դեպքում ի՞նչը կփոխեիք երկրում։

Առաջին հերթին ինձ, հետո կառավարման ողջ համակարգն ու փիլիսոփայությունը։

12. Ինչպիսի՞ն է կատարյալ օրը Ձեզ համար։

Երբ երեխաներիս կողքին եմ և նրանց հետ մուլտֆիլմեր եմ դիտում։

13. Ինչ նորություններ են սպասվում։

 Այսօր Հայաստանում ամեն օրը նորություն է։ Այլ հարց է՝ լավ, թե վատ։

Լրագրող՝ Նարեկ Դեմիրճյան