1. Ո՞րն է Ձեր վերջին կարդացած գիրքը։
“Սրտերի թագուհին”
2. Ինչպե՞ս եք ընտրում ձեր ընկերներին։
Երբեք չեմ ընտրել ինձ ընկերներ, քանի որ կարծում եմ՝ ընկերներին ընտրում ենք ոչ թե մենք, այլ ժամանակը։
3.Տաղանդավոր ծնվում են թե՞ դառնում։
Միանշանակ ծնվում են տաղանդավոր և տաղանդավոր են բոլորը, պարզապես պետք է բացահայտել այն։
4. Դուք ձեզ աստղ համարու՞մ եք։
Ոչ, այլապես ես ոչինչ չեմ ունենա էլ անելու։
5. Ի՞նչ սկզբունքներ ունեք կյանքում։
Անկեղծ լինեմ ու ասեմ, որ շատ սկզբունքային եմ ու ամեն գնով աշխատում եմ չդավաճանել սկզբունքներիս։ Դրանք շատ տարբեր են՝ սկզբունքներ, որ Լիդայինն են և սկզբունքներ, որոնք Լիդուշիկինն են։ Բայց մի սկզբունք կա, որ միշտ պահում եմ և՛ բեմում, և՛ կյանքում՝ չստե՛լ ու լինել անկեղծ։
6. Ինչպե՞ս ձեր ընկերները կբնութագրերին ձեզ։
Չգիտեմ,թե որքանով է ճիշտ իմ կողմից պատասխանելը, բայց մի բան բոլորը կասեն՝ “բարի”։
7. Եթե հնարավորություն ունենայինք ձեր կյանքը վերսկսել, ի՞նչ կփոխեյիք ։
Ոչինչ
8. Ինչո՞ւ ընտրեցիք հենց այս մասնագիտությունը։
Ընտրությունս կատարել եմ 2 տարեկանում և երբ հասկացա, որ իմ կյանքը չեմ կարող պատկերացնել առանց երգի ու բեմի, այն դարձավ ինձ համար նաև մասնագիտություն։
9. Ի՞նչ է սերը ձեզ համար։
Սերը զգացմունք է, նվիրվածություն ու հարգանք։
10. Ո՞րն է ձեր բնավորության դրական և բացասական կողմերը։
Բնավորությանս մեջ կա մի գիծ, որը դրական լինելով կարող է վերածվել բացասականի՝ դա հավատն է մարկանց հանդեպ։
11. Նախագահ կամ Վարչապետ դառնալու դեպքում ի՞նչը կփոխեիք երկրում։
Ինչ էլ որ փոխելու կլինեն մեր երկրում, ես կուզենայի, որ հաշվի առնեին Հայ Մարդու տեսակը, հայկական ավանդույթներն ու հայկական մշակույթը։
12. Ինչպիսի՞ն է կատարյալ օրը Ձեզ համար։
Եթե օրս լինի կատարյալ, ուրեմն վաղն արդեն անիմաստ կլինի։
13. Ինչ նորություններ են սպասվում։
Իմ գործունեության հետ կապված նորություններ բնականաբար կինեն։ Դրանք նոր երգերն են, համերգներն ու շրջագայությունները։ Առաջիկայում ունեմ մենահամերգ Նոյեմբերյան քաղաքում հոկտեմբերի 1֊ին։
Լրագրող՝ Նարեկ Դեմիրճյան
