Կինոռեժիսորի երրորդ խաղարկային՝ «Դրախտի դարպաը» ֆիլմը, կցուցադրվի ԱՄՆ-ի խոշոր քաղաքների AMC կինոթատրոններում՝ սկսած հոկտեմբերի 21-ից։ Ցուցադրությունների քաղաքների, տեղանքների մասին ավելի մանրամասնությունները խումբը կհրապարակի Facebook-ում՝ ֆիլմի պաշտոնական էջում:
«Դրախտի դարպասը» ֆիլմը վերջերս ընդգրկվել էր նաև սեպտեմբերի 2-ից 3-ը կայացած Be Epic! London International Film Festival-ում, ցուցադրվելով որպես կինոփառատոնի բացման ֆիլմ։ «Դրախտի դարպասը» հաղթող է ճանաչվել «Լավագույն օպերատորական աշխատանք» անվանակարգում։
Ավետիսյանն այժմ աշխատում է իր նոր՝ «Վերածնվածը» կինոնախագծի վրա, որը ֆինանսի համալրման փուլում է։ Այդ նպատակով, ֆիլմի խումբն իրականացնում է դրամահավաքային արշավներ Indiegogo InDemand և Facebook Fundraiser հարթակներում։
Ֆիլմում ներդրումներ կարելի է կատարել նա Invest in Armeniaհարթակի միջոցով, որտեղ նույնպես ներկայացված է կինոնախագիծը։
Ֆինանսավորման համար նոր ուղիներից է Opensea հարթակում«Վերածնվածը» ֆիլմին առնչվողNFT-նկարների և NFT-բաժնետոմսերի վաճառքը։Էջում ներկայացված են ինչպես ընկերության նախորդ ֆիլմերի clapper-ների նկարների հիման վրա ստեղծված NFT-նկարները, այնպես էլNFT-բաժնետոմսեր, որոնք ձեռքբերելով հնարավոր է ներդրում կատարել «Վերածնվածը» ֆիլմում՝ նաև բլոկչեյնային համակարգի միջոցով։
Ջիվան Ավետիսյանն այժմ շարունակում է նաև աշխատանքներն իր հաջորդիվ նախագծերի ուղղությամբ, որոնցից են՝ Ալեքսանդր Լապշինի մասին պատմող «Սև ցուցակը» լիամետրաժ խաղարկային, Հայկի և Բելի մասին պատմող «Լեռներ կառուցողները Բաբելոնում» անիմացիոն և Դիանա Աբգարի մասին պատմող «Քաղաքացիություն չունեցող դիվանագետը» ֆիլմերը։
