Ռոբերտ Աստվածատրյանն իր ֆեյսբուքյան էջում գրել է․
-Հարգելի լրատվական կազմակերպություն, մենք՝ որպես ձեր հետևորդներ, այսօր ձեր կարիքն ունենք՝ լուսաբանելու այն խայտառակ փաստը, որ տեղի ունեցավ 1-2 շաբաթ առաջ։ Հունվարի 4-ից “
Սա խայտառակ և ֆինասական ոլորտում չտեսնված որոշում էր՝ միանգամից գները բարձրացնել 3-4 անգամ։ Սա կարելի է ասել թշնամական և կործանարար գործողություն է բոլոր մանր և միջին բիզնեսների և մանավանդ մանր արտադրողների, արհեստավորների համար, որոնք արտահանման հետ ինչ-որ չափով կապ ունեին, նաև նրանց համար ովքեր՝ որպես երախտիքի, կարոտի կամ շնորհակալության նշան, արտերկրում մեկընդմիշտ բնակություն հաստատած իրենց հարազատներին, ծանոթներին հայկական արտադրության ինչ-որ սինվոլիկ ապրանք էին ուղարկում (օրինակ՝ հայկական չիր- սուջուխ- գիրք և այլն)։
Այս նոր խայտառակ սակագներով այլևս ոչ մի ապրանք շահեկան չէ ուղղարկել Հայաստանից արտերկիր՝ սա նոր տիպի “շրջափակում է” և սարսափելի վատ հետևանքներ կունենա շատերի համար։
Սա ամբողջապես կկանգնեցի նաև Հայաստանի մշակույթով, արվեստով կամ գրականությամբ հետաքրքրվող օտարերկրացիների պատվերով կատարվող գնումները Հայաստանից, քանի որ այս սակագներով գնումներն այլևս բացարձակ ձեռնտու չեն։ Օրինակ ո՞վ կվճարի $40 (19900 դրամ) 1կգ 50 գ կշռող որևէ գիրք ուղարկելու համար կամ $20 (9900դրամ) մի փոքր 260 գրամ՝ 2000-3000 դրամանոց որևէ հուշանվերի կամ $80( 40400 դրամ) 3կգ10գրամ հայկական պոպոքով սուջուխ̕ի առաքման համար։ Իհարկե՝ ոչ ոք։
Պատկերացրեք ո՞վ պետք է վճարի իր ամբողջ ամսվա կենսաթոշակը կամ իր 10-15 օրվա աշխատավարձը 3կգ10գ սուջուխ կամ այլ ապրանք ուղարկելու համար։ Սա իսկական թշնամական և “մահացու” հարված է մեր քաղաքացիներից շատերին, որոնք՝ երկրի վիճակից ելնելով, ստիպված զբաղվում էին ձեռքի աշխատանքով՝ հոգալով իրենց ընտանեկան ծախսերը, նաև բոլոր նկարիչներին, քանդակագործներին և այլ արվեստի գործիչներին, որոնք (հիմնականում բոլորը) կապ ունեին արտերկների հետ։
Եթե այս խայտառակությունը չկանգնեցվի, ապա այն կունենա կործանարար սոցիալական, մշակույթային և տնտեսական հետևանքներ ՀՀ բնակչության զգալի մասի և ՀՀ տնտեսության համար և նաև զգալիորեն կնվազեցնի դրամական փոխանցումները դեպի ՀՀ։
