Ա Սերիայի նորեկ «Մոնցան», որը պատմության մեջ առաջին անգամ հանդես կգա Ա Սերիայում, մտադիր է պայմանագիր կնքել «Տորինոյի» հարձակվող Անդրեա Բելոտիի հետ: Այս մասին հայտնում է La Stampa-ն։
28-ամյա հարձակվողի պայմանագիրը «Տորինոյի» հետ ավարտվում է 2022 թվականի հունիսի 30-ին։ Այսպիսով, մեկ ամսից Բելոտին կդառնա ազատ գործակալ և կարող է անվճար տեղափոխվել «Մոնցա»։
2021/22 մրցաշրջանում Բելոտին «Տորինոյի» կազմում անցկացրել է 23 հանդիպում և դարձել 8 գոլի հեղինակ։
Ձմռանը ֆուտբոլիստի տրանսֆերին հավակնում էին նաև «Միլանը», «Նապոլին» և «Ֆիորենտինան»:
