Ուկրաինայում գրեթե ոչնչացվել է Խաբարովսկի 64-րդ մոտոհրաձգային բրիգադը, որին Պուտինը գվարդիականի պատվավոր կոչում է շնորհել: Այս բրիգադի մարտիկները պատմության մեջ կմնան որպես «Բուչայի դահիճներ»։ Նրանցից ոմանց Պուտինը շնորհել է պետական պարգեւներ։
Բրիգադի մի մասը ոչնչացվել է Ուկրաինայում պատերազմում, մի մասը հրաժարվել է մասնակցել պատերազմին, մնացորդներին տեղափոխել են Խերսոն եւ ցրում են տարբեր ստորաբաժանումներում։ Այս մասին հայտնում են ռուս եւ միջազգային հետաքննող նախագծերը։
Միևնույն ժամանակ, Պատերազմի ուսումնասիրման ինստիտուտն իր զեկույցում ենթադրել է, որ Կրեմլը միտումնավոր ոչնչացնում է բրիգադը, որը աշխարհին հայտնի է դարձել Կիեւի շրջանում թալանով և խաղաղ բնակիչների սպանություններով՝ որքան քիչ լինեն վկաները, այնքան քիչ կլինեն ռազմական հանցագործությունների վերաբերյալ ցուցմունք տվողները։
