Լրագրող հաղորդավար, ռեժիսոր-սցենարիստ, Էմմա Կարապետյանի «Հին ու նոր Կոնդը» փաստավավերագրական ֆիլմը կմասնակցի Ամերիկյան` 2017թ.-ից Նյու Յորքում անցկացվող Socially Relevant (Սոցիալապես համապատասխան) ոչ կոմերցիոն կինոփառատոնին:
2011թ.-ին նկարահանված,2019թ.-ին վերանկարահանված «Հին ու նոր Կոնդը» ֆիլմը, մասնակցել է մի շարք փառատոնների և արժանացել մրցանակների ինչպես Հայաստանում, այնպես էլ Բուլղարիայում, Անգլիայում և «Հանդիսատեսի համակրանք» մրցանակին Ուկրաինայում,
Ինչպես Internews.info-ի հետ ունեցած զրույցում նշեց հեղինակ Էմմա Կարապետյանը.
-Սա շատ մեծ պատիվ ու պարտականություն է ինձ համար, «Հին ու նոր Կոնդը» ֆիլմն ընտրվել է փառատոնի մրցութային ծրագրում, (փառատոնը կկայանա Նյու Յորքում՝ մարտի 18-22-ը) ինչը հնարավորություն է տալիս իմ աշխատանքով միջազգային հարթակում ներկայացնելու Հայաստանը: Սա, ինչ խոսք, նաև նոր հորիզոններ կբացի իմ ընդունակությունների ընդլայնման և հետագա համագործակցությունների համար:
Ես արդեն ստացել եմ Նյու Յորքում կայանալիք այդ փառատոնին մասնակցելու հրավերը:
Եվ, քանի որ կինոփառատոնը չի հոգում մասնակիցների կեցության և ճանապարհի ծախսերը, դիմել եմ համապատասխան վայրեր ակնկալելով աջակցություն:
Շուտով պարզ կլինի կմասնակցեմ փառատոնին թե ոչ, այդ մասին հավելյալ կարծում եմ դեռ կզրուցենք:
Իր խոսքը եզրափակեց սցենարիստը:
