ԱՄՆ Ներկայացուցիչների պալատ է ներկայացվել Արցախի Հանրապետության անկախությունը ճանաչող բանաձև: Բանաձևի հեղինակը ԱՄՆ Ներկայացուցիչների պալատի անդամ Գրեյս Նապոլիտանոն է:
Անդրադառնալով Լեռնային Ղարաբաղի հակամարտությանը՝ Նապոլիտանոն նշել է, որ Արցախը չի կարող միանալ Ադրբեջանին՝ հավելելով, որ Արցախը հազարամյակներ շարունակ եղել է Հայաստանի մի մասը:
«Առաջ գնալու ճանապարհը դա ազատության ճանապարհն է, ուստի այսօր ես կոչ եմ անում ԱՄՆ կողմից պաշտոնապես ճանաչել Արցախի Հանրապետության անկախությունը», -հայտարարել է Գրեյս Նապոլիտանոն:
