Կարմիր գծերը անօրինական են ։ Երևանում վճարովի ավտոկայանատեղիների իրավական հիմքերը ամբողջական չեն
Երեւան քաղաքում վճարովի ավտոկայանատեղիների կազմակերպման եւ իրականացման հետ կապված Երեւանի քաղաքապետարանի եւ ծառայությունը մատուցող «Փարկինգ Սիթի Սերվիս» ընկերության հայտարարած մի շարք կարգեր հակասում են ՀՀ-ում գործող օրենսդրական նորմերերին: Տուգանքների մասին
Պաշտոնապես հայտարարվել է, որ մայրաքաղաքում վճարովի ավտոկայանատեղիների նկատմամբ իրականացվելու է շուրջօրյա վերահսկողություն տեսախցիկների եւ շրջիկ մեքենաների միջոցով, իսկ տուրք չվճարած վարորդների հանդեպ կիրառվելու է տույժ` 5000 դրամի չափով: «Տեսանկարահանող կամ լուսանկարահանող սարքերով հայտնաբերված ճանապարհային երթեւեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» ՀՀ օրենքի համաձայն (հոդված 2, մաս 1, կետ 3), վարչական մարմինը ՀՀ Ճանապարհային ոստիկանության ծառայությունն է:
սակայն, ստացվում է, որ տեսանկարահանումն ու խախտումների ֆիքսումը կատարվում է մասնավոր ընկերության կողմից` սեփական տեսանկարահանող սարքերով, իսկ քաղաքապետարանը զբաղվում է տուգանքներով: Ի՞նչի հիման վրա է ՃՈ-ն իր լիազորությունը փոխանցել Երեւանի քաղաքապետարանին եւ արդյո՞ք երկու կառույցների միջեւ կա որեւէ պայմանագիր կամ համաձայնություն: Խնդրի հաջորդ կողմնը այն է, որ տուգանքի մասին արձանագրություն կազմելու համար Երեւանի քաղաքապետարանը պետք է տիրապետի վարորդների տվյալների բազային. ի՞նչ հիմունքներով են դրանք փոխանցվել Երեւանի քաղաքապետարանին: ՀՀ ՃՈ-ն չի փոխանցել «Տեսանկարահանող կամ լուսանկարահանող սարքերով հայտնաբերված ճանապարհային երթեւեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» ՀՀ օրենքով իրեն վերապահված լիազորությունները Երեւան համայնքին»: Ավտոկայանատեղիի կազմակերպման նոր գործընթացի համաձայն, վարորդները տուրքը կարող են վճարել Telcell տերմինալների, բանկային փոխանցումների եւ SMS-ների միջոցով:
«Ավտոտրանսպորտային միջոցների կայանման տեղական տուրքի մասին» ՀՀ օրենքի համաձայն (հոդված 9, կետ 6), ավտոկայանատեղի տուրք գանձող մարմինը պարտավոր է տուրք վճարողին տրամադրել վճարումը հավաստող անդորրագիր:
Կարմիր գծերը անօրինական են ։ Երևանում վճարովի ավտոկայանատեղիների իրավական հիմքերը ամբողջական չենԵրեւան քաղաքում վճարովի…
Gepostet von Քրիստ Հովսեփյան am Mittwoch, 17. Oktober 2018
