Համացանցում լուրեր են տարածվել, ըստ որի ՀՀ վարչապետ Նիկոլ Փաշինյանն ունի առողջական խնդիրներ և նրա բժիշկը ՀՀ առողջապահության նախարարության գլխավոր հոգեթերապևտ Ցոլակ Հակոբյանն է:
Այս լուրը ճշտելու համար InterNews.info-ն զանգահարեց հոգեբան, հոգեթերապևտ Ցոլակ Հակոբյանին, ով գտնվում էր ՀՀ-ից դուրս : Վերջինս հերքելով լուրն ասաց.
-Լուրը կեղծ է, այն չի համապատասխանում իրականությանը: Ակնհայտ երևում է, որ դա տարածված է կեղծ օգտատիրոջ կողմից: Ես այս պահին գտնվում եմ ՀՀ-ից դուրս, և պատահաբար համացանցում կարդացի այդ կեղծ լուրը: Ես պաշտոնապես հայտարարում եմ, որ ո՛չ ՀՀ վարչապետը, ո՛չ նրա ընտանիքի որևէ անդամ ինձ անձամբ, կամ իմ կլինիկա որևէ, հարցով երևբևէ չեն դիմել:
Այն ինչ տարածվել է, համացանցում, կեղծ լուրեր են, դա լկտի սուտ է, ինչ որ բորբոքված ուղեղի կամ ուղեղների հիվանդագին ֆանտազիա, և իրականությանը չհամապատասխանող զառանցանքային ենթադրություն:
Այս մասին ես նաև գրել եմ ին ֆեյսբուքյան էջում:
