Էշի ականջում քնած են մեր «ոստիկանները»

Բլոգգեր Նարեկ Դեմիրճյանն իր ֆեյսբուքյան էջում գրել է.

-ՀՀ Ոստիկանության աշխատանքի մասին իմ տեղեկությունները և պատկերացումները այլ էին, մինչև այն պահը երբ բանը հասավ նրան, որ ստիպված դիմեցինք ոստիկանության օգնությանը։

Մեծ բան չէի ուզում, ուղղակի պետք էր գտնել և քրեական պատասխանատվության ենթարկել մեկին, ով կատարել էր կիբեր հանցագործություն և խետք է պատժվեր, մանրամասները չեմ ցանկանում շատ մանրամասնել քանի-որ այդ ամբողջ գործողությունները խիստ անձնական բնույթ են կրում:

Սեպտեմբերի 3-ի գիշերը ահազանգ է եղել ոստիկանություն, որից հետո ինձ զանգահարել են Շենգավիթի ոստիկանության բաժանմունքից և ինձ կանչել են բաժին, ես ներկայացա ոստիկանություն գիշերը 01։00-ի սահմաններում, ներկայացրեցի այն ինչ պետք էր գործին ընթացք տալու համար:

Ինձ ասացին որ շատ լուրջ է ու որ ամեն ինչ կանեն հնարավորինս շուտ բացահայտելու համար, անցավ մի քանի որ ու ես տեսա որ ոչ մի բան չի լինում գնացի 6-րդ վարչություն հատուկ համակարգչային հանցագործությունների բաժին, նրանք ասացին պետք է սպասել Շենգավիթի ոստիկանության պատասխանին, բայց ասեմ որ ես դիմում և բացատրագիր եմ ներկայացրել, դրանից հետո ինձ չեն տվել ոչ մի թուղթ որ ես ներկայացել եմ ոստիկանություն։

Անցնում է 17 օր ես նորից եմ գնում 6-րդ վարչություն, ինձ ասում են խի եք նորից եկել, իմ պատասխանը լինում է այն որ ասում եմ պատասխան չկա։ Ովքեր չգիտն ասեմ՝ Ոստիկանությունը իրավունք չունի ուղղորդելու քաղաքացուն, բայց ինձ ասում են չի լինում դիմեք դատախազություն։ Ես դուրս եմ գալիս ու մինչև այսօր (անցել է 46 օր)։

Փաստորեն ցանկացած մեկը կարող է կոտրել ցանկացած մեկը անձնական էջը , այդ էջում անել այն ինչ ուզում է անել , վիրավորել, սպառնալ և այլ գործողություններ կատարել և նրան չեն կարողանա գտնե՞ն։ Ես շատ լավ գիտեմ որ IP-ներով մարդ գտնելը ամենաշատը 1 ժամվա պատմությունա, էշի ականջում քնած են մեր «ոստիկանները»։

Երկրորդ մասը ավելի մանրամասն դեռ կներկայացնեմ