Անվտանգությունն ու բանակն են ամենակարեւոր խնդիրը, երբ եք տեսել, որ ԱԺ ղեկավարությանը, ԱԺ պաշտպանության ու անվտանգության հարցերի հանձնաժողովին, կառավարության ղեկավարությանը լինեն բանակում կամ սահմաններում, երբ եք տեսել Արցախում: Այս մասին, այսօր՝ սեպտեմբերի 12-ին, «Հայաստանի իրական օրակարգը» խորագրով քննարկման ժամանակ նշեց ԱԺ «Հայաստան» խմբակցության ղեկավար Սեյրան Օհանյանը:
«Մենք բազմիցս առաջարկել ենք Հայաստան-Արցախ միջխորհրարանական հանձնաժողովի նիստ անցկացնել, մեկ տարուց ավելի է, այդ նիստը չի անցկացվում: ԱԺ ղեկավարությունն իր պարտականություններից հրաժարվում է, այսինքն նրանք հրաժարվել են Արցախից: Սա է մեզ ստիպում, որ ԱԺ-ից դուրս այսպիսի հայտարարություններ անենք:
Ամենակարեւոր խնդիրը իշխանափոխությունն է, որովհետեւ պարտված իշխանությունները չեն կարող արտաքին հարաբերություններում այնպիսի հնարքներ իրականացնեն, որոնք կարտահայտի ՀՀ շահերը: Իշխանափոխությունը ակնհայտ է եւ պետք է լինի: Այս իշխանությունների անգրագետ ու դավաճանական գործողությունների հետեւանքով է, որ մենք հայտնվել ենք այս վիճակում»,-ասաց Օհանյանը:
