Բաց նամակ Վարչապետին ՀԱՂՈՐԴՈՒՄ-ԱՀԱԶԱՆԳ Ազատուհի Գրիգորյանից Մեծարգո Պարոն Վարչապետ․ Հարգելի իրավապահ մարմինների, նախաքննության մարմինների ղեկավարներ Հարգելի պարոն նախարար, հարգելի մարդու իրավունքների պաշտպան, Հարգելի ԱԺ հանձնաժողովի նախագահ, հարգելի միջազգային կազմակերպությունների մշտական ներկայացուցիչներ, Հարգելի պարոն Մարզպետ, Համառոտ ներկայացնեմ իրավիճակը․ Նալբանդյան համայնքի ղեկավար Գրիգոր Մկրտչյանը, չարաշահելով իր լիազորությունները, համագործակցելով նույն համայնքի բնակչուհի Կարինե Բադալյանի հետ, մորս Նարինգյուլ Գրիգորյանի իրավունքները ոտնահարում են կոպտորեն։ Մայրս գտնվում է Արմավիր քաղքի հիվանդանոցում․ Տարիքը գերազանցում է 80-ը։ Ցանկանում է իրեն պատկանող բնակելի տան նկատմամբ գործարք կատարել։ Անշարժ գույքի կադաստրի պետական կոմիտեում մորս Նարինգյուլի անունը գրված է Նարնգյուլ, այսինքն բացակայում է <<ի>> տառը։ Մորս ներկայացուցչի Մ․ Շահնազարյանի կողմից 4 օր առաջ դիմում է ներկայացվել համայնքի ղեկավարին որպեսզի տա գրավոր ուղղում ուղված ՀՀ ԱԳԿ ՊԿ-ին, ձգձգում է, չի կատարում, այստեղ այնտեղ խոսելով որ ամեն ինչ անելու է, որպեսզի տեղեկանքը չտա։ Գյուղապետարանի պատասխանատուն նախորդ ուրբաթ օրը հայտնել է որ պատրաստ է, անպայման կուղարկի, այնուհետև աշխատանքային ժամի ավարտի կապակցությամբ հայտնեցին, որ երկուշաբթի առավոտյան կուղարկեն։ Այս պահի դրությամբ անպատասխան են մնում մեր զանգերը։ Նարինգյուլ Գրիգորյանի առողջական վիճակը ռիսկային ծայրահեղ է։ Գյուղապետ Գրիգորը և Կարինեն սպասում են, որ մայրս մահանա։ Նրանք տեղյակ են, որ այսօր առավոտյան մայրս գրեթե մահամերձ վիճակում է եղել, հազիվ են փրկել նրա կյանքը։ մորս հոգեկան առողջությունը գերազանց վիճակում է․նրա մոտ առկա է ֆիզիկական առողջության խնդիր՝ կապված հենաշարժային համակարգի հետ։ Ներկայացնեմ հանցագործության փաստը վկայող մի շարք հանգամանքներ․
• Գյուղապետ Գրիգորը և Կարինեն գտնվում են բավականին մտերիմ հարաբերությունների մեջ․
• Կարինեն հանդիսանում է հանգուցյալ որդուս Խաչիկ Մարգարյանի երեխաների մայրը /նրա հետ գտնվել է քաղաքացիական ամուսնության հարաբերությունների մեջ/․ որդուս մահից հետո նա ամեն ինչ անում է որպեսզի ինձ և մորս՝ Նարինգյուլ Գրիգորյանին դուրս շպրտի տանից փողոց։ Կարինեն, բնականաբար նաև Գրիգորի աջակցությամբ անընդհատ համոզել են մորս որ իր սեփական տունը նվիրի, օտարի անհատույց Կարինեին․
• Կարինեի հետ ունեցած վեճերի ժամանակ գուղապետ Գրիգորը միջամտել է և պաշտպանել է Կարինեին․
• Վեճերից մեկի ժամանակ սպառնացել է որ իմ հեռախոսահամարի խոսակցությունները կվերծանի և կհանձնի Կարինեին։
• Կարինեն ցանկանում է տիրանալ մորս Նարինգյուլ Գրիգորյանին պատկանող անհատական բնակելի տանըմ որը գտնվում է
• Կարինեն անմիջական աջակցություն է ստանում անմիջապես գյուղապետ Գրիգորից․ • Գյուղապետ Գրիգորն ուղիղ իմաստով շահարգրռված է, որպեսզի անհատական բնակելի տունը անցնի Կարինեին․ շահագրգռվածության բովանդակությունը անպայման պետք է ճշտվի իրավապահ մարմինների կողմից։
• Գյուղապետ Գրիգորը դիտավորյալ ուշացնում է կադաստրին ուղղվելիք գրությունը, մինչև մայրս՝ Նարինգյուլ Գրիգորյանը մահանա հիվանդանոցում․
• Մայրս սպասում է Գյուղապետ Գրիգորի գրությանը որպեսզի կարողանա իրականացնել իր վեջին կամքը։
• Գյուղապետ Գրիգորը լավ տեղյակ լինելով իրավիճակի մասին հանձնարարել է որպեսզի տեղեկանքի ուշացումը ձգձգվի մինչև մայրս մահանա։
• 2 օր առաջ գյուղապետարանի շենքում հայտարարել է,որ եթե տեղ ունենա տեղեկանքը չտալու ամեն ինչ կանի որպեսզի չտա տեղեկանքը։
• Գյուղապետարանի կողմից տեղեկանքները տրվում են անհապաղ։
• Հանուն Կարինեի հետ իր պայմանավորվածությունների պահպանման գյուղապետ Գրիգորը չարաշահում է իր պաշտոնեական լիազորթությունները, թույլ տալով դրանց սահամանազանցում։ Մայրս արցունքն աչքերին սպասում է, որպեսզի կարողանա տնօրինելիր գույքի ճակատագիրը, սակայն հանցագործ գյուղապետը ամեն ինչ անում է, որպեսզի մայրս մահանա և չկարողանա իր վերջին կամքը կատարել․ Գտնում եմ, որ գյուղապետ Գրիգոր Մկրրտչյանի արարքներում առկա է ՀՀ քրեական օերնսգրքի 143, 184, 308, 309-րդ հոդվածներով նախատեսված հանցակազմ․ Մեծարգո Պարոն Վարչապետ․ Եվ այսքանից հետո ինչ տարբերություն մարդասպանի և այս մարդկանց միջև, ովքեր բռնանում են սեփականատիրոջ կամքին, որպեսզի հետագայում խլեն սեփականությունը։ Խնդրում եմ Ձեր օպերատիվ միջամտությունը․ ՀՀ քաղաքացուն սեփական գյուղի գյուղապետը հասցրել է մահվան, մորս մնացել են ապրելու հաշվված օրեր։
