Արմօյլ ՓԲԸ-ի վնասաբեր գործունեությունը // Աննա Կոստանյան

Եվս մեկ բնապահպանական լուրջ հիմնահարց, որը կարծես թե կրկին դուրս է մնում պատկան մարմինների ուշադրությունից։

Ամիսներ առաջ, երբ դիմեցի ՀՀ վարչապետին՝ Արմօիլ ընկերության կողմից Եղվարդ քաղաքում կառուցված յուղերի գործարանի խնդրով, 2․5 ամիս հետո նոր միայն ՀՀ շրջակա միջավայրի նախարարություն Ministry of Environment of Armenia -ից ստացա անհասկանալի ու անատամ մի պատասխան, որը տեղադրում եմ կից հղմամբ՝
https://www.facebook.com/…/pcb.7247394679…/724729817965859/…

Այսօր կրկին նամակով դիմել եմ ՀՀ շրջակա միջավայրի նախարար Erik Grigoryan -ին՝ խնդրելով պարզաբանել, թե այդ ինչպես է ստացվում, որ «Արմօյլ» ՓԲԸ-ի կողմից կառուցված «Եղվարդ քաղաքի տարածքում բիտումի և քսայուղերի արտադրության» գործարանը 2019թ-ի օգոստոսի 27-ի դրությամբ չունի

1. Շինարարական թույլտվություն,
2. Հաստատված ՃՀԱ,
3. Հաստատված ընդհանուր կառուցապատման նախագծեր,
4. Հաստատված ճարտարապետական էսքիզ,
5. ՇՄԱԳ փորձաքննության դրական եզրակացություն,
6. Կառուցապատման նախագծերի բնապահպանական փորձաքննության դրական եզրակացություն,
7. Կառուցապատված օբյեկտի կառուցապատման նախագծերի տեխնիկական անվտանգության հավանության վերաբերյալ փորձաքննության եզրակացություն,
8. Կառուցապատված շինությունների տեխնիկական-պայթյունային, հրդեհային անվտանգության փորձաքննության եզրակացություն,
9. Արտադրական գործունեության հետ կապված թույլտվություններ,

սակայն ընկերության բաժնետերը բացեիբաց հայտարարում է, որ սեպտեմբեր ամսի վերջին պատրաստվում են շահագործել գործարանը։

Նախաքննության մարմնի կողմից որևէ միջոց չի ձեռնարկվել, որպեսզի կանխվի ապօրինի և քրեաիրավական արարքի արդյունքով իրականացվող կառուցապատումը։

Խնդիրն առավել, քան օրհասական է, իսկ Եղվարդ քաղաքի բնակիչները պահանջում են օր առաջ կասեցնել Եղվարդ համայնքի և նրա հարևան համայնքների բնակչության և շրջակա միջավայրի համար՝ «Արմօյլ» ՓԲԸ-ի վնասաբեր գործունեությունը։