Արդյո՞ք, մեր ազգային կինոժառանգությունը վստահելի ձեռքերում է:《And so this happened… changes, changes…
Եվ այսպես՝ դա պատահեց. փոփոխություններ, փոփոխություններ … 》, – սա ինքնահիացած վանկարկումն է Վիգեն Գալստյանի, որն Ազգային կինոկենտրոնի կինոժառանգության բաժնի նորաթուխ պետն է: Ընդհամենը մեկ ամիս առաջ այս պերսոնը, որպես իր ընկերոջ միջնորդ, զբազված էր <<Հայֆիլմի>> 50-70 թվականների արտադրության ֆիլմերի աֆիշների առուծախով:
Հետաքրքիր է, ետին պլանում ծածուկված այդ ընկերը, ով էլ իրականում հանել է վաճառքի այդ աֆիշները, ունի՞ հեղինակային կամ սեփականության իրավունք, և այդ դեպքում նաև՝ Մշակութային արժեքների փորձագիտական կենտրոնի գնահատականը և թույլտվությունը: Ի դեպ, ետին պլանում գտնվող այս ընկերն Ազգային կինոկենտրոնի մեկուկես տարվա ղեկավար պաշտոնյա է:
