«Հրապարակ» թերթը գրում է. «Սփյուռքի նորանշանակ նախարար, 27-ամյա Մխիթար Հայրապետյանին, ով, ըստ լուրերի, քայլարշավի գաղափարի հեղինակն է, նախարարությունում մեծ ոգևորությամբ դիմավորեցին, քանի որ Հրանուշ Հակոբյանի հետ աշխատելը հեշտ բան չէր։ Նա, ճիշտ է, ընդամենը մի քանի օր է աշխատել այս պաշտոնում, բայց նախարարությունում հասցրել են հիասթափվել։
Երեկ մենք նամակ ենք ստացել աշխատակազմից, որտեղ նորանշանակ նախարարին «վայ-խարար» են անվանել և գրել են․ «Նախարարի աշխատասենյակը վերածվել է արևելագիտականի բուֆետի, որտեղ ժամերով հավաքվում են նրա ուսանողական ընկերները և ժամանակ անցկացնում, իսկ այդ ժամանակ նախարարության աշխատակիցները ժամերով սպասում են ձերդ գերազանցության ընդունարանում, թե երբ կբարեհաճի ընդունել իրենց։ Իսկ ընդունելու դեպքում էլ նրանք ստիպված են նախարարության խնդիրները ներկայացնել անծանոթ մարդկանց՝ իր անթրաշ ընկերների մոտ, որն օրենքի կոպիտ խախտում է, քանի որ կարող է պարունակել ընդհուպ մինչև պետական գաղտնիք:
