Այս պահին քաղաքական զարգացման զգալի և տեսանելի աճ չկա // Օֆելի Իսրաելյան

Լրագրող Օֆելի Իսրաելյանը իր ֆեյսբուքյան էջում գրառում է կատարել ասելով՝

<<Ճշգրիտ քաղաքականության հիմնական նպատակը առավել սուր, ակտուալ խնդիրների լուծումն է, որոնց կոնկրետ ժամանակահատվածում հանդիպում են քաղաքական գործընթացի սուբյեկտները: Այդ ամենի հիմնական և բուն նպատակն այն է, որ իշխանությունը զբաղվի կոնկրետ քաղաքական իրադարձությունների հետազոտությամբ:
Քաղաքականության մեջ գլխավորը գործնական օգուտի վրա կենտրոնանալն է, ոչ թե 45 րոպեի փոխարեն, 40 րոպեում բանանի ու պեսոկի խնդրի լուծումը:
Ըստ իս քաղաքականության մեջ կարելի է առանձնացնել 2 մակարդակ, որոնք պետք է լրացնեն մեկը մյուսին: Առաջինն այն է, որ առանց էմպիրիկ նյութի հավաքագրման, դասակարգման և անալիզի քաղաքականությունը մատնված է դառնալ աբստրակտ տրամաբանական սխեմա, որն էլ հազիվ թե ինչ-որ բան տա քաղաքական պրակտիկայում: Մյուս կողմից առանց առանձին իրադարձությունների և փաստերի տեսական պատկերացումների անհնար է ամբողջական պատկեր ստանալ, հասկանալ կոնկրետ իրողության իմաստը: Հենց այս մակարդակի փոփոխությունն է մեծապես որոշում քաղաքականության զարգացումը:
Այս պահին քաղաքական զարգացման զգալի և տեսանելի աճ չկա, որովհետև կադրային փոփոխություններն ու ընդունած ոչ տրամաբանակ օրենքները, ասֆալտին փռելն ու խնդրին լուծում ստանալու համար ճանապարհ փակելը, մարդա վատացելն ու դըմփ-դըմփ հուն, անհասկանալի մառախուղն ու անձապաշտությունը հանգեցնում են ոչ ռեալ և իրական մտածողության:>>