ՀՀ ազգային ժողովի փոխնախագահ Ալեն Սիմոնյանը խորհրդարանի նիստերի դահլիճում ծաղկեփունջ նվիրեց «Բարգավաճ Հայաստան» խմբակցության պատգամավոր Նաիրա Զոհրաբյանին:
«Արմենպրես»–ի հաղորդմամբ՝ մայիսի 8-ի նիստում Սիմոնյանն իր ելույթում դիմեց Զոհրաբյանին. «Տիկին Զոհրաբյան, ես պետք է քննադատեմ Ձեզ: Օրեր առաջ դուք ինձ քննադատեցիք, եւ ես Ձեզ ասացի, որ միշտ պատրաստ եմ լսել Ձեր խորհուրդը: Հիմա ուզում եմ դրա նաև առարկայական ապացույցը ներկայացնել»:
Այնուհետև փոխնախագահը հեռացավ ամբիոնից, Զոհրաբյանին վարդերի փունջ նվիրեց ու հայտնեց, որ այսօր Նաիրա Զոհրաբյանի ծննդյան օրն է: «Մենք իրար հետ հաճախ վիճում ենք, տարբեր քաղաքական հայացքներ ունենք, տարբեր հարցերի հետ կապված տարբեր մեկնաբանություններ ունենք, բայց այնուամենայնիվ, Ձեր փորձառությունը, Ձեր գեղեցկությունը այս դահլիճում թող անսպառ լինի»,-ասաց Սիմոնյանը:
Աննա Գրիգորյան
Աղբյուրը՝ armenpress.am
