InterNes.info-ին են դիմել մի շարք ազատամարտիկներ ովքեր ասում են, որ իրենք պատերազմի ժամանակ ձեռք են բերել մի շարք հիվանդագին հոգեբանական խնդիրներ, նևրոզներ, և լիարժեք հոգեթերապևտիկ օգնություն են ստացել և ստանում մինչ օրս միայն Քասախ-ավանում գտնվող նևրոզների հիվանդանոցում:
Նրանք նշում են, որ միայն այդ հիվանդանոցում են իրենց ճիշտ հասկանում, օգնում են լիարժեք մարդ զգալ և ապրել առողջ կյանքով: Լսելով, որ առողջապահության նախարարությունը 2020թ. պատրաստվում է լուծարել նևրոզների կլինիկան, ինչը իրենց մոտ առաջացրել է, բողոքի, զայրույթի ինչպես նաև խուճապի վիճակ:
Նրանք նշում են, որ բացատրության համար դիմել են առողջապահության նախարարություն և շատ են վրդովվել ստանալով նման պատասխան.
-Խնդիր ունեք գնացեք բուժվեք հոգեբուժարանում:
Բայց մենք հոգեկան հիվանդ չենք, մենք գիժ չենք: Գիժ են նրանք ովքեր այս պայմաններում աշխատող հիվանդանոց են փակում: Այն էլ այս պայմաններում, երբ Հայաստանը համարվում է պատերազմական երկիր:
Հազարավոր ազատամարտիների անունից խնդրում ենք մեր խոսքը, խնդրանքը հասցնել վարչապետ Նիկոլ Փաշինյանին.
-Պարոն Փաշինյանին խնդրում ենք պահպանել նևրոզների կլինիկան, դա թե մեզ, թե մեր ժողովրդին շատ անհրաժեշտ է:
Հարգանքներով մարտի դաշտում իրենց առողջությունը կորցրած մի խումբ ազատամարտիկներ:
