Հայաստանի ՊՆ մամուլի քարտուղար Արծրուն Հովհաննիսյանը «շնորհավորել» է Ադրբեջանի պաշտպանության նախարար Զաքիր Հասանովին սեփական տարածքում, սեփական տասնյակ հազարավոր կիլոմետրերի հողատարածքների «ազատագրման» կապակցությամբ։
Նա իր Facebook-ի իր էջում գրել է.
«Մեկ իրողության փաստում միայն՝ ադրբեջանցի հողագործների և հովիվների գործունեությունը, որը շուրջ 25 տարի անվտանգ էր, այլևս շնորհիվ «ազատարար» Հասանովի վտանգված է, շեշտում եմ, շնորհիվ ադրբեջանական բանակի ազատարար նախարարի»:
Այսօր Ադրբեջանի պաշտպանության նախարար Զաքիր Հասանովը մամուլի ասուլիսի ժամանակ հայտարարել է, որ Նախիջևանի հատվածում ադրբեջանական բանակը «ազատագրել է 11 հազար հեկտար տարածք, որը գտնվում էր հայկական օկուպացիայի ներքո»:
«Սա կարևոր գործողություն էր: Կարևորը՝ մենք ստացել ենք դեպի Լաչին ճանապարհի վերահսկողությունը», – նշել է նա:
