«Էսի լուրջ օր է, եկեք չքաղաքականացնենք»։ Այսպես ԵԿՄ ղեկավար, «Իմ քայլը» խմբակցության պատգամավոր Սասուն Միքայելյանը պատասխանեց լրագրողների հարցերին, որոնք վերաբերում էին ուժայինների պաշտոնանկություններին։ «Լուրջ օր» ասելիս Միքայելյանը նկատի ուներ զորահավաքի անցկացումը։
«ԱԱԾ պետը իմ ընկերն է, ճանապարհ ենք անցել, իմ ընկերն էլ մնալու է … Բոլորս պիտի սթափվենք, բոլորս, որովհետև էսօր էս զորահավաքը ինչի՞ համար է։ Վաղը, դուք գիտեք, էսօր, Աստված ոչ արասցե, եթե մենք համախմբված չլինենք, պատկերացրեք … Իզուր չի, որ էսքան տարի թշնամին զինվում է»,- ասաց Միքայելյանը։
Նա հիշեցրեց, որ այն ժամանակ նույնպես հայկական կողմը կարողացել է դիմագրավել անհավասար մարտում, հաղթել և «բուֆերային զոնա ստեղծել»։
Ապա լրագրողները նորից նրան հարցրին Վանեցյանի հրաժարականի մասին ու հարցրին նրա կարծիքը՝ Վանեցյանը ուսադիրները աղբանո՞ցն է նետել։
«Ոչ ոք իրավունք չունի ուսադիրը … ես էլ եմ ուսադիր կրել։ Նման բան ոչ ոք իրավունք չունի ասի»,- ասաց Միքայելյանը։
