Ֆրանսիայում համայնքները պատմականորեն հիմնված են աշխարհագրական համակնքների կամ գյուղերի վրա, որոնք ունեին բնակչության որոշակի մակարդակ և աշխարհագրորեն տարանջատված էին այլ բնակավայրերից։ Համայնքները Ֆրանսիայի վարչական բաժամնան մեջ գտնվում են չորրորդ մակարդակում։
Ֆրանսիայում համայնքները կարող են լինել քաղաքի տեսքով 2,2 միլիոն բնակչությամբ ինչպես Փարիզն է, կամ ավանի տեսքով 10.000 բնակչությամբ, կամ 10 հոգանոց բնակավայր։
Համայնքները հիմնված են նախկինում գոյություն ունեցած գյուղերի վրա իրեն տեղական կառավարությամբ։ Բոլոր համայնքները ունեն անվանումներ և իրենց տեղական կառավարության ղեկավարներ, ովքեր ընտրվում են համայնքի ազգաբնակչության կողմից։
Ֆրանսիայում հայերը հաստատվել են դեռևս վաղ միջնադարից: Համայնքը մեծաքանակ է դարձել հատկապես 1915 թ. հետո։ Ներկայումս այստեղ ապրում է շուրջ 650 հազար հայ:Հայությունը մեծամասամբ կենտրոնացած է Փարիզում, Լիոնում, Մարսելում և դրանց հարակից քաղաքներում:
Վերջին ժամանակներում հազարավոր հայեր հաստատվել են Ֆրանսիայի հյուսիսարևելյան շրջաններում, որոնց զգալի մասը Հայաստանի Հանրապետությունից տեղափոխվածներ են:
Կան նաև աշխատանքային միգրանտները և անօրինական բնակվողները, որոնց մասին թվային ստույգ տվյալներ չկան: Երկրում գործում են մոտ 500 համայնքային կառույց և կազմակերպությունների մասնաճյուղեր, որոնց մի մասն ընդգրկված են 2001 թ. ստեղծված Ֆրանսիայի հայկական կազմակերպությունները համակարգող խորհրդի կազմում (ՖՀԿՀԽ/CCAF): 2016 թ. Փարիզում Ֆրանսիա արտագաղթած հայաստանցիների կողմից ստեղծվել է «Հայասսա» ֆեդերացիան, որն իր մեջ ներառում է մոտ 3 տասնյակ կազմակերպություն և ունի իր մարմինները Լիոնում ու Մարսելում:
Ֆրանսիայում գործում է շուրջ 70 հայկական դպրոց, որոնցից 7-ն ամենօրյա է, նաև տասնյակ հայկական եկեղեցիներ, մշակութային տներ, լրատվամիջոցներ, գրադարաններ և այլն:
Ֆրանսահայերը ներգրավված են գրեթե բոլոր ոլորտներում: Շատ են հայտնիները, որոնցից էին աշխարհահռչակ շանսոնիե Շառլ Ազնավուրը, Ֆրանսիայի Ազգային հերոս Միսաք Մանուշյանը, նկարիչ Ժանսեմը, մեծագույն կոմպոզիտոր Միշել Լեգրանը և այլք: Ֆրանսիայի շատ քաղաքներում փողոցները կրում են Հայաստանի աշխարհագրական վայրերի և նշանավոր հայերի անուններ։
Հետագա մեր հոդվածներում կանդրադառնանք առավել մանրամասն
