Քասթինգ ոլորտի միակ խոչընդոտը անառողջ մրցակցությունն է. Լիլիթ Ադամյան

16

Հարցազրույց <<Studio 27>> քասթինգ ընկերության հիմնադիր տնօրեն Լիլիթ Ադամյանի հետ:

Ե՞րբ և ինչպես որոշեցիք հիմնադրել <<Studio 27>>-ը։

2017 թվականի հունիսի 27-ին հիմնադրեցի <<Studio 27>>-ը։Մինչև հիմնադրելը ինը տարի աշխատում էի նույն ոլորտում։ Ճակատագրի բերումով մի հիանալի օր այնպես ստացվեց, որ ունեցա իմ սեփական  կազմակերպությունը։

Ոլորտում մրցակցությունը մե՞ծ է։

Ոլորտում մրցակցությունը մեծ չէ։ Մի քանի կազմակերպություն է զբաղվում քասթինգով, որից երկուսի հետ անմիջական կապ կա` մեկի տնօրենն եմ եղել հիմնադրման օրվանից ինը տարի մինչ 2017թվականը, իսկ մյուսը արդեն իմ<<Studio 27>>-ն է։

Ի՞նչ խոչընդոտներ, կամ խնդիրներ կան ոլորտում։

Ոլորտի միակ խոչընդոտը անառողջ մրցակցությունն է, ցավոք։

Ինչո՞վ է առանձնանում Ձեր ընկերությունը։

Երևի այս հարցին ավելի ճիշտ կպատասխանեն գործընկերներս և դերասաններն ու մոդելները, ում հետ աշխատում եմ։
Կարծում եմ առաջնային մաքրությամբ դերասանների ու մոդելների հանդեպ և հասանելիությամբ գործընկերների համար։ Օրվա ցանկացած ժամի գործընկերներս ունենում են արագ արձագանք և իրենց նախընտրած արդյունքը։

Հիմնականում ի՞նչ ընկերությունների հետ եք աշխատում։

Քասթինգի մասով հիմնականում աշխատում եմ գովազդներ և տեսահոլովակներ նկարահանող ընկերությունների հետ, իսկ բանկերի և շատ այլ հայտնի ընկերությունների համար պրոմոակցիաներ եմ կազմակերպում։ Անունները չնշեմ, որ անառողջ մրցակցության զոհը հերթական անգամ չդառնամ:

Ի՞նչ կցանկանայիք ավելացնել։

Կցանկանայի բոլոր քասթինգ ընկերություններիս այնքան գործ, որ ամենքս մեր գործն անեինք ու մեր ժամանակն ու էներգիան ներդնեինք մեր կազմակերպությունների զարգացման համար:

Աղբյուրը՝ InterNews.info