Տեղի ունեցավ Թոմ Փալմերի «Ինչու ազատություն» գրքի շնորհանդեսը

298

Հոկտեմբերի 20-ին տեղի ունեցավ Թոմ Փալմերի «Ինչու ազատություն» գրքի շնորհանդեսը։ Գիրքն այժմ հասանելի է հայերեն, թարգմանիչն է Լուսինե Զակալաշվիլին, թարգմանության խմբագիրը՝ քաղաքագետ Միսաք Պալոյանը, տեխնիկական խմբագիրը՝ ԵՊՀ դոցենտ Նաիրա Ավագյանը։
Մեր օրերում հաճախ ոտնահարվում են մարդկանց իրավունքները, ազատությունը և արժանապատիվ ապագան:

Այս ամենը կարելի է և պետք է կանխարգելել: Ինչու ազատություն գիրքը միտված է տալ լուծում այս խնդիրներին: Գիրքը բաղկացած է տասներկու էսսեներից, որոնցից յուրաքանչյուրն անդրադառնում է լիբերտարիանիզմին՝ յուրօրինակ մոտեցմամբ: Գրքի 1200 օրինակ անվճար կբաժանվեն ՀՀ մարզեր և Արցախ։

Եթե ցանկանում եք ձեռք բերել գրքերը ձեր հասարակական կազմակերպության համար, եթե պատրաստ եք անցկացնել նաև գրքի քննարկում, դիմեք Լուսինե Զակալաշվիլիին՝ գրելով հետևյալ մեյլին՝ [email protected] կամ ֆեյսբուքյան էջին՝ https://www.facebook.com/ArmeniaSFL/?epa=SEARCH_BOX:

Գրքի ֆինանսավորումը՝ Ատլաս Նեթվորքի։ Գիրքը ենթակա չէ վաճառքի։