Սերժ Սարգսյանը նոյեմբերին կլքի կառավարական առանձնատունը

13

Հայաստանի երրորդ նախագահ Սերժ Սարգսյանը հաջորդ ամիս կազատի կառավարական ամառանոցում գտնվող առանձնատունը, որտեղ արդեն ավելի քան տասը տարի բնակվում է, այս մասին տեղեկացնում է վարչապետի աշխատակազմի ղեկավար Էդուարդ Աղաջանյանը, հավելելով, որ Սարգսյանը հրաժարվել է նաև կառավարության առաջարկած վերջին՝ թվով տասներորդ առանձնատնից։

Երրորդ նախագահին առաջարկված վերջին առանձնատունը Ավան վարչական շրջանում է, շուկայական գինը՝ 1 միլիոն 250 հազար դոլար։ Ըստ Աղաջանյանի, կառավարությունն արդեն պայմանավորվել էր վաճառողի հետ և պատրաստ էր առանձնատունը գնել ու Սարգսյանին տրամադրել 950 հազար դոլարով։

«Այդ առաջարկը ևս մերժվել է՝ չնայած բանավոր, և ըստ էության հաշվի առնելով, որ դա վերջին առաջարկն է եղել, մենք այլ տարբերակ էլ չենք առաջարկելու», ֊ նշեց վարչապետի աշխատակազմի ղեկավարը: ֊ «Սովորաբար իրենց հիմնավորումները անվտանգության հետ են կապված լինում: Այս դեպքում, մասնավորապես, ինչ֊որ տան վրայով անցնող լարի մասին էր խոսքը՝ էլեկտրական գծի, որը, ըստ իրենց անվտանգության խնդիրներ էր առաջացնում»:

Թե որտեղ կբնակվի երրորդ նախագահը կառավարական ամառանոցի առանձնատունը հանձնելուց հետո, Էդուարդ Աղաջանյանը տեղեկություն չունի։ Սերժ Սարգսյանի գրասենյակի ղեկավար Նաիրի Պետրոսյանի հետ այսօր կապ հաստատել չհաջողվեց։

Շարունակությունն այստեղ

Աղբյուրը`www.azatutyun.am