Պետք է արձանագրել, որ Թուրքիան ամբողջությամբ կախված է արեւմտյան տեխնոլոգիաներից

8
Թուրքիայի՝ ԱՄՆ-ի հետ հարաբերությունները փչացնելու հետեւանքով, որը հատկապես ակնառու դարձավ ռուսական Ս-400 ՀՕՊ համակարգերը գնելու արդյունքում, Թուրքիան զրկվեց 5-րդ սերնդի 120 Ֆ-35 կործանիչ-ռմբակոծիչներից։ Թե ինչ հզորություն ձեռք կբերեր Թուրքիայի օդուժը դրանք ձեռքբերելուց հետո ավելորդ է անգամ խոսել։
Եւ Ս-400 ՀՕՊ համակարգերը որեւէ կերպ չեն փոխհատուցի այն կորուստը, որը ունեցավ թուրքական բանակը Էրդողանի արկածախնդիր բնավորության պատճառով։ Այժմ խնդիր է առաջացել նաեւ բայրաքթարների արտադրության գործում’ Կանադայից բարձր ճշգրտության պահեստամասերի մատակարարումների դադարեցման հետեւանքով։
Պետք է արձանագրել, որ Թուրքիան ամբողջությամբ կախված է արեւմտյան տեխնոլոգիաներից եւ որ Արեւմուտքը, թեեւ դանդաղորեն, սակայն սկսում է այդ տեխնոլոգիաների տրամադրումը պայմանավորել Թուրքիայի արտաքին եւ ներքին քաղաքականությունների փոփոխությամբ։
Հեղինակ՝ Հովսեփ Խուրշուդյան