Պարո՛ն վարչապետ, եկե՛ք թույլ չտանք Ձեր նախորդների սխալները, եկե՛ք իրատես լինենք. Նորայր Նորիկյան

195
Պարո՛ն վարչապետ, եկե՛ք թույլ չտանք Ձեր նախորդների սխալները, եկե՛ք իրատես լինենք։
————————————————————-
✅Չեմ չափազանցնում՝ սա մեր ամենամեծ ու ամենակարևոր պատերազմն է։
Գուցե համարձակ միտք է, բայց իմ կարծիքով, ռազմաքաղաքական առումով այս պատերազմը չի զիջում Արցախի ազատագրության պատերազմին։
✅Հիմա իրենց ուզածը շատ պարզ է․ Հարցը լուծել այնպես, որ մենք հեռանանք մեր տնից, մեր հայրենիքից, որ հետպատերազմյան իրավիճակում մենք իրենց համար ՛՛Գլխացավանք՛՛ չլինենք, այսինքն՝ առհասարակ չլինենք։
✅Չե՛նք հեռանալու։ Սա մեր վերջին հայրենիքն է։
Բայց ես հասկանում եմ նաև, որ մենք պետք է այս պատերազմն ավարտենք հնարավորինս արագ՝ պարտադրելով թշնամուն խաղաղություն։
Երկարատև պատերազմը մեզ ՛”Արնաքամ է՛՛ անելու։ Վստահ եմ՝ գիտակցում ենք սա․․․
✅Թող բանակն անի իր գործը, մեզանից յուրաքանչյուրը թող անի իր գործը՝ ապավեն լինելով բանակին։
Բայց ընդունենք, որ ռազմաքաղաքական, դիվանագիտական, քարոզչական ուղղությամբ իրատեսական ու արդյունավետ աշխատելու խնդիր ունենք։
✅Մենք ամեն գնով պետք է հասնենք նրան, որ քաղաքակիրթ աշխարհն այս հարցում դառնա մեր բնական դաշնակիցը՝ թույլ չտալու համար Թուրքիայի հերթական ռազմական ինտերվենցիան։
✅Ռուսաստանի հետ պետք է խոսել ու պայմանավորվել պարզ ու հստակ։ Լավրովը խոսում է ռուսական սցենարի կամ իրենց շահերով պայմանավորված կարգավորման տարբերակի մասին։
Շա՛տ լավ, եկեք մենք էլ խոսենք մեր տարբերակի մասին, ներկայացնենք նրանց մեր կարմիր գիծը, փորձենք համոզել, համադրել մեր շահերը, հղկել պատկերացումները և հասնել ընդհանուր հայտարարի՝ Թուրքիային վռնդելով այս հակամարտության դաշտից։
✅Նույն կերպ հաղորդակցվենք ֆրանսիայի ու ԱՄՆ-ի հետ։
Պարո՛ն վարչապետ, եկե՛ք վերցնենք մեզ վրա պատմական պատասխանատվություն և լուծենք Արցախի հարցը վերջնականապես։
Եկե՛ք թույլ չտանք Ձեր նախորդների սխալները, եկե՛ք իրատես լինենք ու իմաստավորենք մեր մեծաթիվ զոհերի արյան գինը։
✅Այս հարցում մեզ արագություն է պետք, իսկ պատերազմում՝ ԲԵԿՈՒՄ․․․
https://www.facebook.com/permalink.php?story_fbid=1469479366587363&id=100005759414165