«Չի՛ լինելու էդ բանը, կներեք՝ չի՛ լինելու». Նիկոլ Փաշինյանը՝ Օսիպյանին

805

«Ոստիկանության մասին» ՀՀ օրենքում փոփոխություն կատարելու մասին» նախագիծը ծավալուն քննարկման արժանացավ Կառավարության նիստում: «Ժողովրդի մեջ որ ասվում է՝ «շարժական նկարահանում իրականացնող թաքնված մեքենաներ», դրանք հատուկ կահավորված են լինելու տարբերանշանով: Փակցվելու են իրականացվող տեսանկարահանման մասին նախազգուշացնող տարբերանշաններ»,- ասաց ՀՀ ոստիկանապետ Վալերի Օսիպյանը:

«Հակասություններ կան: Մենք ասում ենք՝ մարդկանց քիչ տուգանենք, մյուս կողմից էլ՝ բերենք, շրջիկ մեքենաներն ավելացնե՞նք: Եկեք դադարեցնենք քաղաքացիների հետևից ընկնելու էս բանը՝ ում որտեղ բռնենք, տուգանենք: Առաջարկում եմ խնդրին փաթեթային լուծում տալ ու չշտապել: Երթևեկության ավնտանգության խնդիր կա, եկեք հասկանանք՝ ոնց լուծել, բայց ոչ՝ փողոցները լցնել մեքենաներով, ու ասել՝ փարոսիկներ կունենան: Չի՛ լինելու էդ բանը, կներեք՝ չի՛ լինելու: Դադարեցնե՛նք քաղաքացիների հետևից ընկնելը: Քաղաքացին տուգանքի մատերիալ չի՛»,- ասաց վարչապետը: Նիկոլ Փաշինյանը հորդորեց «նկարվելու» օրենսդրությունն այնպես փոխել, որ կանխարգելիչ նպատակ ունենա. «Մենք պետք է նոր տրամաբանությամբ լուծենք հին խնդիրները»:

ՀՀ առաջին փոխվարչապետ Արարատ Միրզոյանը տեղեկացրեց, որ ԱԺ մի խումբ պատգամավորներ օրենքում փոփոխություններ կատաելու մաիսն նախագիծ են ներկայացրել: Առաջարկվում է՝ ոստիկանության ծառայողի կողմից շարժական տեսաձայնագրող միջոցներ չօգտագործել: «Եթե հավանություն տանք ու Աժ-ում անցնի, այլևս այդպիսի սարքեր չեն կարող օգտագործվել»:

Փաշինյանը տեղեկացրեց, որ «Ոստիկանության մասին» օրենքի նախագծի փոփոխությունները հետաձգվում են:

«Ողջունում եմ վարչապետի քիչ առաջ տրված հստակ և խիստ դիրքորոշումը` կապված նոր շրջիկ տեսանկարահանող սարքավորումներով հագեցած մեքենաների շրջանառության մեջ դնելու օրինագծի մասին` հատկապես այն, որ այն չպետք է լինի, և վերջ պետք է դրվի ամեն կերպ քաղաքացուն տուգանելու քաղաքականությունը, սակայն դա չի նշանակում ամենաթողություն»,- ավելի ուշ ֆեյսբուքյան իր էջում գրել է փաստաբան Գևորգ Դավթյանը:

 

Աղբյուրը՝