«Որքան շուտ սրանք հասկանան սա և սկսեն համագործակցել քննչական մարմինների հետ, այնքան լավ բոլորի համար։ Մեր փառապանծ Հաղթանակի օրը ՇՆՈՐՀԱՎՈՐ». Հովհաննես Գալստյան

6

ՀՀ Հատուկ Քննչական Ծառայությունում սկսվեցին Շ․ Միրզախանյանի հայտարարությամբ բացված (հետագայում՝ կարճված) քրեական գործից առանձնացված, «Տատիկիս վարսերը» ֆիլմին՝ պաշտոնական լիազորությունների և փոխվստահության չարաշահմամբ հասցված գույքային վնասի գործով հարցաքննությունները։
Հիշեցնեմ, մեր դեմ կեղծ մատնությամբ հարուցված քրեական գործով ՀՀ պետական ամենագարշելի կառույցը՝ ազգային կինոկենտրոնը խայտառակ պարտություն կրեց։ Անցնում ենք երկրորդ ճակատին։

Արմեն Ամիրյանը, ՀՀ մշակույթի նախարարի պաշտոնում, պետական միջոցառման համար, վերադարձնելու պայմանով, խնդրել և միջնորդավորված ստացել է N ՀՀ դրամ «Տատիկիս վարսերը» ֆիլմի պետական գումարից։ Ըստ էության, նախարարը պետական բյուջեի մի կետից գումարը տեղափոխել է մյուս կետ, բայց խնդիրն այն է, որ չի վերադարձրել, ինչով ՀՀ քաղաքացուն ու նրա ֆիլմին հացրել է խոշոր չափի գույքային վնաս: Դա նրան քիչ է թվացել, նա նաև փոխել է կինոկենտրոնի ղեկավարությանը և իր դրածոյին հրահանգել կասեցնել ֆիլմի հետագա ֆինանսավորումը։

Ես այս մասին հայտարարել եմ դեռ 2018-ին, երբ վարչապետը Կարեն Կարապետյանն էր, իսկ Ամիրյանը՝ նախարար։ Այն ժամանակ, Արմենը խոստացավ վերադարձնել, բայց չարեց, իսկ հիմա 2020թ-ն է ու նա «մրսում է» ապօրինի ծագում ունեցող գույքի բռնագանձման մասին օրենքից, կանխատեսելով, որ ՀՔԾ-ում կհարցնեն նաև «Հետք» https://hetq.am/hy/article/93382

 ապա «Հայկական ժամանակ» https://armtimes.com/hy/article/147947

 կայքերում նկարագրված կարողության ծագման աղբյուրների մասին։

Ինձ չի հետաքրքրում մարդկանց կարողությունը։ Իմ խնդիրը ֆիլմի գումարը հետ բերելն է, որովհետև այդ գումարը չինովնիկի պապական ժառանգությունը չի, այլ ՀՀ հարկատուների գումարն է, որ նախատեսված է ֆիլմեր նկարելու, ոչ թե պաշտոնյայի մարմինը փթթեցնելու համար։ Այն պետք է վերադարձվի հասցեատիրոջը՝ ֆիլմն արտադրողին։ Ես դրա համար 31 օր հացադուլ եմ արել Մատենադարանի դիմաց՝ հանրահռչակելով Արդարադատությանը և Հրապարակայնությանը ապավինելու և մինչև վերջ գնալու իմ անկոտրում կամքը։

Ես ատում եմ քաղաքականությունը։ ՀՀ որևէ իշխանության հետ սերտ չեմ եղել։ Գործող իշխանության քաղաքական վերնախավը ինձ, որպես արվեստագետի, ֆիլմարտադրողի նույքան վնաս է պատճառել, որքան նախորդը։ Բայց եթե անգամ ՀՀ-ում ևս 3 հեղափոխություն արվի և, Աստված մի արասցե, հաստատվի այնպիսի դեգեներատների իշխանություն, որ Արմեն Ամիրյանը դառնա ՀՀ վարչապետ, ահա անգամ այդ դեպքում, ՀՀ երեք չինովնիկների՝ Ամիրյանի, Միրզախանյանի ու Ղարիբյանի կողմից իմ ՖԻԼՄԻՆ ՀԱՍՑՐԱԾ ԱՌԱՎԵԼ ԽՈՇՈՐ ՉԱՓԵՐԻ ԳՈՒՅՔԱՅԻՆ ՎՆԱՍԸ ԿՓՈԽՀԱՏՈՒՑՎԻ, ԻՍԿ ՄԵՂԱՎՈՐՆԵՐԸ ՊԱՏԱՍԽԱՆԱՏՎՈՒԹՅԱՆ ԿԵՆԹԱՐԿՎԵՆ։

Որքան շուտ սրանք հասկանան սա և սկսեն համագործակցել քննչական մարմինների հետ, այնքան լավ բոլորի համար։ Մեր փառապանծ Հաղթանակի օրը ՇՆՈՐՀԱՎՈՐ։