«ՀՀԿ-ական բազմաթիվ պատգամավորներ պատրաստ են քվեարկել վարչապետի՝ ժողովրդի թեկնածուի օգտին»․ Փաշինյան

1179

Այսօր երեկոյան կայացած հանրահավաքում Նիկոլ Փաշինյանը հայտարարեց, թե կան բազմաթիվ հանրապետական պատագամավորներ, ովքեր իր հետ զրույցներում պատրաստկամություն են հայտնել, հաշվի առնելով ներքաղաքական իրավիճակը, «քվերակել վարչապետի ժողովրդի թեկնածուի օգտին»:

Փաշինյանը հայտարարեց նաև, որ ինքը պատրաստ է բանակցությունների ՀՀԿ-ի հետ, ոչ թե «դրա մի փոքրիկ հատվածի»՝ հանձինս վարչապետի պաշտնոակատար Կարեն Կարապետյանի:

«Ոմանք մտածում էին, թե ժողովուրդն այնքան բավարարված է Սերժ Սարգսյանի հրաժարականով, որ ապրիլի 23-ի տոնախմբությունից ու 24-ի հիշատակի արարողությունից հեոտ մոռացել է, թե ինչի համար էր հավաքվել:

Կարապետյանը հույս ուներ, թե ապրիի 25-ին մարդիկ դուրս չեն գա փողոցներ, բայց այն, ինչ տեղի ունեցավ այսօր, ակնհայտ է դարձնում մի բան՝ Կարեն Կարապետյանը մի գործողություն ունի անելու՝ անվերապահ և առանց նախապայմանների ճանաչել մեր հռչակած ոչ բռնի ժողովրդական հեղափոխության հաղթանակը»,

– հայտարարեց Փաշինյանը, հավելելով․ «Մենք պահանջում ենք ՀՀԿ ի միանշանակ և անվերապահ կապիտուլիացիան ժողովրդի առաջ»:

«Ուզում եմ հստակ զգուշացնել, որ եթե հանկարծ փորձ կարվի հանրապետական որևէ թեկնածուի նույնիսկ առաջադրել որպես վարչապետի թեկնածու, ուրեմն ժողովուրդը կշրջափակի Ազգային ժողովի շենքը, կառավարության շենքը, բոլոր կառավարական շենքերը:

Ես այս պահից Կարապետյանին զգուշացնում եմ՝ այլևս ոտք չդնել կառավարական որևէ շենք: Ժողովուրդը հաղթել է, և որևէ մեկը չի կարող համարձակվել՝ կասկածի տակ դնել այս փաստը: Ով կասկածի տակ դնի, վերջում հրապարակային կխոստավանի իր սխալ լինելը, ինչպես դա արեց Սերժ Սարգսյանը:

Փաշինյանը նաև հայտարարեց, թե վերջին իրադարձությունները գնահատելով միայն ՀՀ օրենսդրության տեսակետից՝ իրավաբանները հանգել են այն եզրակցության, որ Սերժ Սարգսյանի հրաժարականի պահից սկսած՝ նրա հետ հրաժարական է տվել նաև ողջ կառավարությունը, այսինքն՝ «այսօր չկա ոչ մի գործող պաշտոնյա, բոլորը հրաժարականի մեջ են»:

Կարեն Կարպետյանն իրեն հռչակել է վարչապետի ժամանակավոր պաշտոնակատար, բայց նա, ըստ Փաշինյանի, ընդամենը կարող է լինել միայն առաջին փոխվարչապետի պաշտոնակատար, հակառակը պնդելը «քրեական հանցագործություն է»:

Նիկոլ Փաշինյանը հայտարարեց նաև, թե Կարապետյանն այսօր հրավիրել է ուժայիններին և պնդել, թե պետք է արտակարգ դրություն մտցնել: Մի՞թե երկարամյա պաշտոնյա Սերժ Սարգսյանը չէր կարող դա «ֆայմել», որ հիմա «դու սատանի մայլում քյանդրբազ ես սխաղում», դիմելով Կարապետյանին, իր ելույթում ասաց Փաշինյանը:

Շարունակությունն այստեղ

Աղբյուրը` www.azatutyun.am