1. Ո՞րն է Ձեր վերջին կարդացած գիրքը։

Ես ընդհանրապես սովորություն ունեմ, մի քանի գիրք սկսել միանգամից կարդալ, դա այսպես մանկուց մնացած սովորություն է։ Վերջին կարդացած միաժամանակյա երկու գրքերս Լի Կուան Յու-ի <<Երրորդ աշխարհից դեպի առաջին աշխարհ ճանապարհին>> և ռուս հեղինակի Գալին-ի <<Լիբերալիզմի փակուղին,ինչպես են սկսվում պատերազմները>> երկուսն էլ բավականին հետաքրքիր էին, այնպես որ խորհուրդ կտամ կարդալ բոլոր նրանց ովքեր որ հետաքրքրված են քաղաքականությամբ: Ես քաղաքական վերջին բեսելլերներին զուգահեռ անպայման կարդում եմ նաև գեղարվեստական գրականություն,այս պահին նորից սկսել եմ վերընթերցել Ֆոլքների <<Աբիսողո՜մ, Աբիսողո՜մ>>-ը , երևի արդեն 7-րդ անգամ:

2. Ինչպե՞ս եք ընտրում ձեր ընկերներին։

Գիտեք, ընկերներին չեն ընտրում, պարզապես այն մարդիկ ովքեր մնում են քո կողքին, նրանք դառնում են քո իրական ընկերները։Ցավոք ես անկեղծ չեմ լինի,եթե ասեմ, որ ես շատ ընկերներ ունեմ։Գիտեք շատ հետաքրքիր հատկություն ունի ճակատագիրը, միշտ մաքրում է բոլոր պատահական և ավելորդ մարդկանց և քո կողքին մնում են նրանք, ովքեր իսկապես կարևոր են ովքեր իսկապես սիրելի են, ովքեր իսկապես հարազատ են։

3.Տաղանդավոր ծնվում են թե՞ դառնում։

Ես կարծում են տաղանդը դա․․․ անպայմանորեն, դա մի շնորհ է որը․․․երևի բարեբախտաբաար ոչ բոլորին է տրվում, որովհետև տաղանդավոր մարդիկ ինձ համար մի քիչ ոչ ստանդարտ, մի քիչ խելագար, մի քիչ տարօրինակ, բայց անպայմանորեն հետաքրքիր մարդիկ են և աբսուրդ կլիներ,եթե ողջ երկրագունդը կազմված լիներ ոչ ստանդարտ, մի քիչ խելագար, մի քիչ էքստրավագանտ մարդկանցով և շատ լավ է,որ այդպես չէ և շատ լավ է,որ կան նաև այդպիսի մարդիկ, ովքեր մեր՝ մարդային մահկանացուներիս կյանքը դարձնում են հետաքրքիր, դարձնում են անփոխարինելի, դարձնում են անկրկնելի իրենց յուրօրինակ տաղանդով։

4. Դուք ձեզ աստղ համարու՞մ եք։

Ես ոչ մեկին աստղ չեմ համարում, այդ թվում նաև ինձ, ես ինձ համարում եմ Հայաստանի անկախության տարիներից մինչ օրս Հայաստանի լավագույն լրագրողներից մեկը և թող անհամեստ չհնչի ես ինձ համարում եմ լավագույուն քաղաքական գործիչներից մեկը հիմա, եթե մեկը դրա անունը աստղ կդնի, մեկը դրա անունը Յուպիտեր կդնի , մեկը դրա անունը Մարս կամ Վեներա դա ինձ բացարձակապես չի հետաքրքրում, ես անում եմ իմ գործը լավ և վերջ։

5. Ի՞նչ սկզբունքներ ունեք կյանքում։

Սկզբունքներ չունենալը դա կլիներ ամեոբա, որը ինձ համար նոխկալի է։ Ես իհարկե ինձ համարում եմ սկզբունքային մարդ, բայց բազմաթիվ հարցերում կարող եմ գնալ կոմպրոմիսի։ Մեկ հարց կա որի դեպքում ես երբեք չեմ զիջում, բազմիցս ասել եմ ևս մեկ անգամ կասեմ, ներել դավաճանին, նշանակում է երկրորդ փամփուշտը տալ նույն այն մարդուն ով առաջին անգամ փորձել է քեզ վրա կրակել ու վրիպել է։

6. Ինչպե՞ս ձեր ընկերները կբնութագրերին ձեզ։

Իմ ընկերներից մեկը շատ լավ բնութագրել է ինձ և կարծում եմ դա լավագույն բնութագրումն երբևէ ինձ տրված <<Հարատև մրրիկ>>։

7. Եթե հնարավորություն ունենայինք ձեր կյանքը վերսկսել, ի՞նչ կփոխեիք ։

Ոչինչ։Ես երբեք իմ կյանքում արած քայլի համար չեմ ափսոսում, նույնիսկ,եթե հիմա դա գտնում եմ,որ եղել է սխալ, որովհետև 3 ծուղակ կա, որ խլում են մեր հոգու անդորրն ու խաղաղությունը, դա անցյալի համար ափսոսանքն է, ապագայի նկատմամբ վախը և ներկայի հանդեպ անշնորհակալությունը։ Ես այդ երեքը վաղուց հաղթահարել եմ և շատ վաղուց եմ ինքս ինձ ասել՝ <<Աղջիկ ջան ուշքի արի ու գնա առաջ>>։

8. Ինչո՞ւ ընտրեցիք հենց այս մասնագիտությունը։

Լինելով մասնագիտությամբ թատերագետ դժվար է ասել, երևի այդտեղ էլ նախախնամություն կա։ Ես հասկացա, որ ավարտելով թատերական ինստիտուտը , ես չեմ ուզում աշխատել թաթերագետ, որովհետև ուղղակի չեմ ուզում և նախախնամությունը ինձ բերեց 《ԱՐ》 շաբաթաթերթ, որտեղ ես ծանոթացա իմ ամենամեծ սիրո Սամվել Մկրտչյանի հետ և երևի լրագրության հանդեպ սերը սկսվեց Սամվելից , իսկ հետո որպես կարծում եմ լավագույն լրագրողներից մեկը , ես հասկացա որ, եթե ես լինելով լրագրող կարող եմ քաղաքական գործընթացներ ուղղորդել իմ հոդվածներով , ինչու չդառնալ հենց այդ քաղաքական գործընթացները ստեղծողներից մեկը ու այդպես ընտրեցի քաղաքական գործչի մասնագիտությունը, ․․․ ոչ թե ընտրեցի այլ այդպես պարզապես ճիշտ էր ու այդպես պիտի լիներ։

9. Ի՞նչ է սերը ձեզ համար։

Գիտեք ես չեմ ցանկանա, որ սիրո մասին այդպես հեշտ խոսենք և ամեն մեկը չէ, որ իրավունք ունի խոսել սիրո մասին։ Բարեբախտաբար ես այն եզակի մարդկանցից մեկն եմ, որ ունեմ իրավունք խոսել սիրո մասին, որովհետև ես կարծում եմ,որ սիրելու ունակություն ունեն բացառիկ մարդիկ։ Սիրելը մեծ տաղանդ է պահանջում և միայն սիրելու մեծ տաղանդ ունեցող մարդիկ կարող են սիրել, որովհետև այն մանր էմոցիաները, այն մանր-մունր կրքերը, որ շատերը հաճախ շփոթում են սիրո հետ, դա սեր չէ, սերը անձնազոհություն է։Ես այն երջանիկ կանանցից մեկն եմ ում սիրել եմ իմ կարծիքով Հայաստանի ամենատաղանդավոր, ամենափառահեղ, ամենախելահեղ տղամարդկանցից մեկին՝ թարգմանիչ Սամվել Մկրտչյանը և ես այդպիսի խելահեղությամբ սիրել եմ Սամվելին, ուստի ես սերը ինձ համար անձնազոհություն է և այդ անզնազոհությունը ես ապրել եմ 23 տարի։

10. Ո՞րն է ձեր բնավորության դրական և բացասական կողմերը։

Իմ բնավորության դրական կողմը՝ ես իմ առջև դնում եմ շատերի համար անիրականանալի թվացող երազանքներ և համառորեն գնում եմ դեպի իմ երազը ու գիտեք զարմանալիորեն այդ բոլոր երազանքները կատարվում են, ես դա կհամարեի իմ բնավորության ամենադրական կողմերից մեկը։ Բացասական կողմը ինձ մի-քիչ խանգառում է մի քիչ ավելի էմոցիոնալ լինելը, բայց ժամանակի հետ ես սովորեցի 5 վարկյանի տեսությունը և դա ինձ շատ է օգնում ինպուլսիվ չարձագանքել: Եթե ինչ որ բան ուզում եմ ասել , ինչ որ զայրույթս ուզում եմ պարպել, իմ մեջ հաշվում եմ 5 վարկյան և եթե 5 վարկյան հետո իմ մեջ կրկին մնում է ասենք ինչ որ մեկին ապտակելու ցանկությունը, ես դա անում եմ, բայց միայն 5 վարկյան հաշվելուց հետո։

11. Նախագահ կամ Վարչապետ դառնալու դեպքում ի՞նչը կփոխեիք երկրում։

Կփոխեի հոգեբանական մթնոլորտը, այսօր մեր երկրում բացարձակ անառողջ հոգեբանական մթնոլորտ է, այսօր մեր երկրում ես տեսնում եմ ատելության, միմյանց չհանդուրժելու մթնոլորտ և տեսնում եմ սիրո պակաս, այս մթնոլորտը երկիրը փակուղի տանող մթնոլորտ է։ Առաջինը ես կփոխեի սա։ Ասեմ ավելին չկարծեք որ սա բարդ է անել ոչ՜ հազար անգամ ոչ։

12. Ինչպիսի՞ն է կատարյալ օրը Ձեզ համար։

Իմ օրը սկսվում է 06։30-ին երբ ես կարդում եմ Հայսատանյան ողջ մամուլը։ Կատարյալ օրը ինձ համար երբ ես հասցնում եմ լինել 1-2 քրեակատարողականում, 1-2 առնվազն կալանավորի, հաշմանդամի, հոգեկան առողջություն ունեցողի կամ մանկատան երեխայի խնդիր լուծել , զբաղվել նաև խորհրդարանական իմ աշխատանքով 1-2 օրենքի վրա հասցնել աշխատել։ Հիմա աշխատում եմ շատ կարևոր մի օրենքի վրա կենդանիների հանդեպ դաժան վերաբերմունքը քրեականացնելու առաջինից որերորդ ընթերցում և իմ օրը կատարյալ կլինի, եթե օրվա վերջում ես ունենամ ժամանակ իմ սիրելի ներկայացումը դիտելու կամ տանը կիսատ մնացած գիրքս կարդալու համար , բայց այդպես միշտ չէ որ հաջողվում է։

13. Ի՞նչ նորություններ են սպասվում։

Կարծում եմ որպես քաղաքական գործիչ իմ մեջ մնացել է նախկին լրագրողը , ես ադրենալին եմ ստանում, երբ որ քաղաքական դաշտը միշտ այսպես հրաբուխի վրա է, միգուցե դա վատ է , բայց էտ հրաբուխի վրա ես ինձ միշտ լավ եմ զգում, այդ լավայի մեջ։

 

Լրագրող՝ Նարեկ Դեմիրճյան