Հայտնի են 2020թ․ լավագույն ավտոմեքենաները

117

WCOTY (World Car of the Year) հեղինակավոր մրցանակաբաշխության կազմակերպիչները ներկայացրել են 2020թ․ լավագույն ավտոմեքենաները։ Հաղթողներին պետք է հայտնեին Նյու Յորքի ավտոսալոնում, սակայն, ինչպես ավելի վաղ հայտնել էինք, կորոնավիրուսի պատճառով այն չեղարկվել է։

«Աշխարհի լավագույն մեքենա 2020» անվանակարգում բացարձակ հաղթող է ճանաչվել Kia Telluride ամենագնացը։ 3,8լ V6 շարժչով կորեական քրոսովերը հավաքել է 758 միավոր՝ հետևում թողնելով SUV Mazda CX-30 (738 միավոր) և Mazda3 (745 միավոր) մեքենաներին, հայտնում է speedme.ru-ն։

Միանգամից 2 մրցանակ է ստացել Porsche Taycan էլեկտրական սպորային մեքենան։ Այն հաղթող է ճանաչվել «Լավագույն լյուքս մեքենա» և «Լավագույն սպորտքար» անվանակարգերում։

«Լավագույն քաղաքային մեքենա» անվանակարգի հաղթող է ճանաչվել Kia Soul EV հետչբեքի էլեկտրական տարբերակը, իսկ «Լավագույն դիզայնը» բաժին է հասել Mazda3 հետչբեքին։