Կայացավ «Վարորդի ընկեր» գրասենյակի հերթական քննարկումը

2075

«Վարորդի ընկեր» գրասենյակը ժամանակ առ ժամանակ կազմակերպում է քննարկումներ, ինչպես  ֆեյսբուքում գործող՝ Ճանապարհային ոստիկանություն և կարմիր գծեր խմբի անդամների, այնպես էլ առհասարկ՝ բոլոր վարորդների համար:

Այս անգամ կայացած հանդիպման օրակարգային հարցեր էին՝

1. Տեսանկարահանող սարքերի աշխատանքի օպտիմալացում

2. Տույժերի ու տուգանքների, ինչպես նաև պետական վճարների վերանայում

3. Կարմիր գծերի մասնակի կամ լրիվ վերացում

4. Տույժերի/տուգանքների ամբողջական կամ մասնակի համաներում

5. Դպրոցներում փուլային կրթական ծրագրի ներդրում

6. Հասարակական վերահսկողության ծրագրի ներդրում

7. ԱՊՊԱ ոլորտի կարգավորումներ

8. Ծանուցումների նոր՝ ավելի հասանելի, համակարգի մշակում

9. Հասարական դաստիարակչական ծրագրերի մշակում

10. Վարորդական վկայականի տրամադրման գործընթացի կարգավորումներ

11. Երթևեկության կարգավորման նպատակով Տեխնիկական նորարությունների կիրառում:

Ինչպես InterNews.info-ի հետ ունեցած զրույցում նշեց. «Վարորդի ընկեր» գրասենյակի փոխնախագահ Դավիթ Պեդանյանը.

-Սա մեր հերթական քննարկումներից մեկն էր, որը բավականին արդյունավետ անցավ: Մեր հյուրերը կիսվեցին բազմաթիվ հետաքրքիր ու պետքական ինֆորմացիայով հետիոտնի անվտանգության ու երթևեկությունը թեթևացնելու վերաբերյալ։

110 կետերից կազմված մեր նախագիծը ամբողջությամբ չքննարկեցինք ժամանակի սղության պատճառով, բայց մոտ 3 ժամ տևած քննարկումը ավարտեցինք՝ արձանագրելով, որ գիտակից ու փորձառու մարդիկ կան, որոնց շնորհիվ երթևեկության հարցը կշտկենք։

Որոշել ենք գլոբալ խնդիրների հետ միաժամանակ սկսենք հասարակական ակցիաների շարք, որ դաստիարակչական նպատակ ունեն։