Կայացավ Գլոբալիզացիայի և տարածաշրջանային համագործակցության վելուծական կենտրոն-ի հերթական գիտաժողով կլոր սեղանը:

421

Գլոբալիզացիայի և տարածաշրջանային համագործակցության վելուծական կենտրոնը, որը որդեգրել է՝ նպաստել քաղաքացիական հասարակության զարգացմանը սկզբունքը, Ղազախստանի Հանրապետության դեսպանության հետ համատեղ անցկացրեց հերթական գիտաժողովը, այս անգամ՝ Եվրասիական ինտեգրման նոր մարտահրավերներ և սպառնալիքներ թեմայով:

Այսօր՝ հունիսի 1-ին կայացած երկլեզու գիտաժողովին, ողջույնի խոսքով հանդես եկավ անձամբ՝ ՀՀ-ում Ղազախստանի Հանրապետության Արտակարգ եւ լիազոր դեսպանը, Ն.Գ. Թիմուր Ուրազաևը:

Առաջին նիստը նվիրված էր՝  «նոր իրողություններ ԵԱՏՄ-ում. Ազատ առեւտրի գոտու պայմանները Իրանի եւ Չինաստանի հետ եւ նոր Հայաստանը» թեմային:

Իրենց ելույթներով հանդես եկան՝ ՀՀ Ազգային Ժողովի փոխնախագահ Միքայել Մելքումյանը, «Այլընտրանք» հետազոտական կենտրոնի ղեկավար Թաթուլ Մանասերյանը, քաղաքագետ Գևորգ Մելիքյանը: Բանավեճի ընթացքում թեմայի շուրջ ելույթ ունեցավ նաեւ ՀՀ Անվտանգության խորհրդի քարտուղար Արմեն Գրիգորյանը:

 

Կլոր սեղանի ընթացքում մասնակիցներն, ինչպես նաև Զլմ-ների ներկայացուցիչները հնարավորություն ունեցան հանդես գալ իրենց հարց ու պատասխանով: Ինչպես նաև իր խոսքն ասաց Բելառուսի դեսպանը:

Երկրորդ նիստը նվիրված էր`  ՄԱԿ-ի Անվտանգության Խորհրդում Ղազախստանի նախագահության արդյունքները եւ ընթացիկ գործունեությունը թեմային:

Ելույթներով հանդես եկան Ս.Գրիգորյանը ՝ «Միջուկային խնդիրներ» զեկույցով, որին հաջորդեց Դեսպան Թ. Ուրազաեւի ելույթը` Աստանայի նախաձեռնությունները. «Ինչպես հասնել ահաբեկչությունից զերծ աշխարհի», Աստանայի գործընթացը` նվիրված Սիրիային եւ այլ խնդիրներ խորագրով:

Կլոր սեղանի այս մասում զեկուցողներին տրվեցին հարցեր, որտեղ նաեւ նշվում էր Ղազախստանի դերը` որպես լուրջ քայլեր կատարած երկիր միջուկային զենքի չտարածման հարցում: Շոշափվեց նաեւ այն հարցը, որ Իրանի եւ Չինաստանի հետ ԵԱՏՄ-ի հետ ազատ առեւտրի գոտու պայմանագրերի ստորագումից հետո պետք է ավելի ակտիվ օգտագործել համագործակցությունը ԵԱՏՄ շրջանակներում:

Հեղինակ՝ Էմմա Կարապետյան