Խոշոր վթար Երեւանում. «Մերսեդեսը» բախվել է պատին. 4 վիրավորներից մեկը մեկ տարեկան երեխա է (ֆոտո)

179

Հայաստանի ԱԻՆ-ում, ապրիլի 23-ին, ժամը 23:51-ին «911» ծառայությանն ահազանգ է ստացվել, որ Երեւան քաղաքի Սարալանջի փողոցում` դեպի Հաղթանակի զբոսայգի տանող հատվածում, տեղի է ունեցել ավտովթար, կան տուժածներ, առկա է վառելիքի արտահոսք. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ «Mercedes C 180» մակնիշի ավտոմեքենան (վարորդ 27-ամյա Դավիթ Ա.) դուրս է եկել երթեւեկելի գոտուց եւ բախվել պատին:

Փրկարարները հոսանքազրկել են ավտոմեքենան եւ դադարեցրել գազի արտահոսքը:

Shamshyan.com-ի փոխանցմամբ, վթարի հետեւանքով վարորդը, 45-ամյա Գեւորգ Պ.-ն, 1-ամյա Յուրի Պ.-ն, 32-ամյա Տաթեւիկ Ս.-ն մարմնական վնասվածքներով տեղափոխվել են թիվ 1 համալսարանական հիվանդանոց: