Լարված իրավիճակ Լոռու մարզում. Ալավերդի քաղաքում՝ ընդդեմ «ACP» ընկերության, նախկին աշխատակիցները դուրս են եկել փողոց. ՖՈՏՈՌԵՊՈՐՏԱԺ

2

Այսօր՝ մայիսի 6-ին, Լոռու մարզի Ալավերդի քաղաքի եկեղեցամերձ հրապարակում էին հավաքվել «ACP» ընկերության արդեն նախկին աշխատակիցներ և արդարացիորեն բարձրաձայնում էին, որ ղեկավարությունը փոխվելուց հետո իրենց խոստացել են, որ կաշխատեն և կվարձատրվեն ինչպես նախկինում, սակայն խոստումները հօդս են ցնդել:

Ինչպես հայտնում է ֆոտոլրագրող Գագիկ Շամշյանը, բողոքի ակցիայի մասնակիցները նշում էին, որ աշխատել են մինչև այս տարվա հունվարի 23-ը և իրենց իրազեկել են, որ հունվարի 10-ից ազատված են աշխատանքից, իսկ աշխատավարձերն էլ չեն վճարել առ այսօր՝ կես ամսից մինչև մեկուկես ամսվա աշխատավարձ տարբեր աշխատակիցներին:

Ըստ ակցիայի մասնակիցների՝ գումարը տարբեր աշխատակիցների մոտ կազմում է 250-600 հազար դրամ: Այսօր՝ մայիսի 6-ին, բողոքի ակցիայի մասնակիցները որոշեցին կորոնավիրուսի տարածման ֆոնին ստեղծված սահմանափակումներից հետո դիմել կտրուկ քայլերի ու նշեցին նաև, որ խնդրին տեղյակ են մարզպետարանը, քաղաքապետարանն ու որոշ պատգամավորներ:

Շարունակություն shamshyan.com